
Ji bo parêzer Newroz Uysal cezayê hefsê hat xwestin 

2022-12-21 13:03:51


	&nbsp;

	AMED - Di danişîna doza parêzera Rêberê PKK’ê Abdullah Ocalan, Newroz Uysal de ku ji dosyaya KCD’ê tê darizandin, dozger mutalaa da û xwest ku 15 sal cezayê hefsê lê were birîn.&nbsp;

	&nbsp;

	Di çarçoveya lêpirsîna Kongreya Civaka Demokratîk (KCD) de derheqê parêzera Rêberê PKK’ê Abdullah Ocalan, Newroz Uysal de bi îdiaya “Endamtiya rêxistinê” doz hatibû vekirin. Danişîna dozê li 10’emîn Dadgeha Cezayên Giran a Amedê hat lidarxistin. Uysal tev li danişînê nebû lê parêzerên wê Gulan Çagin Kalelî û Mehdî Ozdemîr amade bûn.&nbsp;

	&nbsp;

	DOZGER 15 SAL CEZAYÊ HEFSÊ XWEST&nbsp;

	&nbsp;

	Dozgeriyê mutalaaya xwe dubare kir û diyar kir ku Uysal tev li çalakiyên KCD’ê bûye. Dozger, bal kişand ser biryara erêkirina cezayê Aysel Tugluk a Dadgeha Bilind û got ku di dema pêvajoya qedexeyên derketina derve yên li Cizîrê de parêzeran komên tespîtkirina mafan û Whatsappê ava kirine. Dozgeriyê îdia kir ku Uysal bi rêk û pêk tev li çalakiyên KCD’ê bûye û xwest ku bi sedema “endamtiya rêxistinê” ji 7 sal û 6 mehan heta 15 salan cezayê hefsê lê were birîn. Her wiha dozgeriyê xwest ku biryara tevdîra kontrola edlî ya Uysal jî bidome.&nbsp;

	&nbsp;

	PARÊZERAN DEM XWEST&nbsp;

	&nbsp;

	Parêzeran jî ji bo bikarin li dijî mutalaayê parastina xwe bikin, dem xwestin. Parêzeran xwestin ku tevdîra kontrola edlî ya miwekîla wan bê rakirin.&nbsp;

	&nbsp;

	Şandeya dadgehê daxwaza parêzeran a ji bo dem qebûl kir, daxwaza rakirina tevdîra kontrola edlî red kir û danişîn taloqî 15’ê adarê kir.&nbsp;

	&nbsp;