
Komkujiya Parîsê li seranserê Ewropayê hat şermezarkirin 

2022-12-24 20:44:29


	&nbsp;

	NAVENDA NÛÇEYAN - Komkujiya li Parîsê li gelek welatên Ewropayê tê şermezarkirin.

	&nbsp;

	Di êrîşa duh de ya li ser Navenda Çanda Kurd a Ahmet Kaya ya li paytexta Fransa Parîsê pêk hat, ji pêşengên tevgera jinên kurd Emîne Kara (Evîn Goyî), ji Tevgera Çandê Mîr Perwer (Mehmet Şirîn Aydin) û Abdûrrahman Kizil hatin qetilkirin. Ji bo protestokirina komkujiyê kurd û dostên wan ên li Ewropayê, li welatên Ewropayê dadikevin qadan.

	&nbsp;

	SWÊD

	&nbsp;

	Li paytexta Swêd Stockholmê ji bo protestokirina Komkujiya Parîsê, Kurdistanî li ber Balyozxaneya Fransayê hatin ba hev û dirûşmeyên “Kujer Erdogan”, “Dest ji herikîna xwîna Kurdan berdin” û “DAÎŞ û Erdogan heman e” berz kirin. Kurdistaniyan wêneyên sê kesên li Parîsê hatin qetilkirin û yên Rêberê PKK'ê Abdullah Ocalan hildan. Çalakgeran destnîşan kir ku heta komkujî neyê ronîkirin, wê şopdarê dozê bin.

	&nbsp;

	YEWNANÎSTAN

	&nbsp;

	Li Atînayê bi pêşengiya ciwanan, li dijî tecrîda Îmraliyê û komkujiya li Parîsê meşek hat lidarxistin. Li paytexta Yewnanistan Atînayê bi pêşengiya ciwanên TCŞ’ê gelê kurd û dostên wan, ji bo protestokirina tecrîda li ser Rêberê PKK'ê Abdullah Ocalan û komkujiya li Parîsê, meşiyan.

	&nbsp;

	Meşa girseyî li ber Gara Trenê ya Atînayê destpê kir û ji Cadeya Acharnon heta Cadeya Patîsîon dom kir. Piştre meş heta Navenda Çanda Kurd a Yewnanistanê domiya. Ciwanên TCŞ’ê diyar kirin ku heta komkujî tê ronîkirin, wê li qadan bin. Di çalakiyê de dirûşmeyên “Bijî Serok Apo”, “Bijî berxwedana Parîsê”, “Şehîd namirin” û “Tolhildan” hatin berzkirin.

	&nbsp;

	SWÎSRE

	&nbsp;

	Kurdistanî û dostên wan ku bi banga Navenda Civaka Kurd a Demokratîk a Zurîhê û Meclisa Jinan a Berlînê hatin ba hev, wêneyên Evîn (Emîne Kara) a pêşenga Tevgera Jinên Kurd, Hunermend Mîr Perwerê ji Tevgera Çandê û Abdûrrahman Kizil hildan.

	&nbsp;

	Ji bo qurbaniyên komkujiyê di çalakiyê de rêz hat girtin. Li ser navê Dîwana Hevserokatiya Konseya Kurd a Demokratîk (CDK-S), Emrûllah Bîngul anî ziman ku qetlîama hatiye kirin ne tesadufî ye û got: ‘"Dewama qetlîama 10 sal berê ye ku 3 jinên Kurd li Parîsê hatin armanckirin.’’

	&nbsp;

	Piştî axaftinê, girse bi berzkirina dirûşmeyan ber bi Sefaretxaneya Fransayê ve meşiya.

	&nbsp;

	Girse ku gihîşt ber sefaretxaneyê, mîtîngek li dar xist. Fîdan Guler li ser navê Yekîtiya Jinên Kurd a Swîsreyê (YJK-S) ev tişt gotin: "Feraseta sala 2013’an sê hevrêyên me yên jin qetil kirin, îro careke din bi rûyê xwe yê qirker derket holê. Dewleta Fransayê ku duh ser qetlîama Parîsê girt û şirîkatiya xwe ya sûc derxist holê, divê sûcdarên rastîn ên qetlîamê derbixe holê. Heta ku sûcdarên rastîn ên qetlîamê eşkere bibin; di serî de jinên Kurd em Kurd em ê her li qadan bin."

	&nbsp;

	ALMANYA

	&nbsp;

	&nbsp;Kurd û dostên wan ku li ber Haûpbannof a Hannoverê hatin ba hev, li dijî qetlîama li Parîsê meşiyan. Bêyî navber di çalakiyê de dirûşmeyên ‘’Tolhildan”, “PKK’’, ‘’Şehîd namirin’’ û ‘’Bijî Serok Apo’’ hatin berzkirin. Kurd û dostên Kurdan, guh nedan şiliyê û heta êvarê çalakiya xwe domandin.&nbsp;

	&nbsp;

	FRANSA

	&nbsp;

	Li bajarê Bordeaûx ê Fransayê jî qetlîam hat protestokirin. Kurdistaniyên li Qada Place de la Boûrse li hev kom bûn, qetilkiriyên qetlîama Parîsê bibîr anîn.

	&nbsp;

	Li bajarê Grenoble yê Fransayê jî, gelê kurd û dostên wan li qada Vîctor Hugo hatin ba hev û Komkujiya Parîsê ya 2’emîn şermezar kirin. Piştî daxuyaniyan, dirûşmeyên “Şehîd namirin”, “Bijî Serok Apo” û “Jin jiyan azadî” hatin berzkirin.

	&nbsp;

	AVÛSTÛRYA

	&nbsp;

	Kurd û dostên wan ên li eyaleta Tîrol a Avûstûryayê, ji bo şermezarkirina komkujiya li Parîsê hatin ba hev. Girseya ku li ber peykerê Annasaûl a li bajarê Innsbruckê li hev kom bû, xwest dewleta Fransayê piştperdeya komkujiyê demildest ronî bike. Girseyê bê navber dirûşmeyên “Şehîd namirin”, “Bijî Serok Apo” û “Jin jiyan azadî” berz kirin.

	&nbsp;