Hevserokê DBP'ê yê Amedê Altûn hat girtin   

2022-12-26 20:45:55


	 

	AMED - Ji 15 DBP'iyên ku tevî Hevserokê Giştî yê DBP'ê Keskîn Bayindir hatibûn binçavkirin, 13 jê hatin berdan û Hevserokê DBP'ê yê Amedê Hayrettîn Altûn jî hat girtin. 

	 

	Hevserokê Giştî yê Partiya Herêmên Demokratîk (DBP) Keskîn Bayindir û Hevserokê DBP'ê yên Amedê Seval Gulmez û Hayrettîn Altûn, Hevserokên DBP'ê yên Êlihê Bûrhan Eglentî û Rûkiyete Onat Gonul, Hevserokên DBP'ê yên Rihayê Rabîa Aslan û Hîdayet Enmek, Hevserokên DBP'ê yên Dîlokê Ethem Unal û Zelîha Arslan, Hevserokê DBP'ê yê Şirnexê Zekî Îrmez, Hevserokên DBP'ê yên Mêrdînê Şerafettîn Aslan û Sureyya Dundar, Hevserokê Agiriyê Melîk Ozmuş û Hevserokên Wanê Şengul Polat û Harûn Okay ku di 23'yê Kanûnê de di çarçoveya lêpirsîna Serdogzeriya Komarê ya Amedê de hatibûn binçavkirin, îro danê nîvro sewqî edliyeyê hatin kirin.  

	 

	Hevseroka DBP'ê ya Amedê Seval Gulmez, Hevserokên DBP'ê yên Êlihê Bûrhan Eglentî û Rûkiyete Onat Gonul, Hevserokên DBP'ê yên Rihayê Rabîa Aslan û Hîdayet Enmek, Hevserokên DBP'ê yên Dîlokê Ethem Unal û Zelîha Arslan, Hevserokê DBP'ê yê Şirnexê Zekî Îrmez, Hevserokên DBP'ê yên Mêrdînê Şerafettîn Aslan û Sureyya Dundar, Hevserokê Agiriyê Melîk Ozmuş, Hevserokên Wanê Şengul Polat û Harûn Okay piştî îfadeya li dozgeriyê bi şeertê kontrolkirina edlî sewqî Dadgeriya Ceza ya Sulhê ya Nobedar hatin kirin. Her 13 DBP'yî bi şertê kontrolkirina edlî û qedexeya derketina derve hatin berdan. 

	 

	Hevserokê DBP'ê yê Amedê Hayrettîn Altûn jî hat girtin. 

	 

	Îfadeya Hevserokê Giştî yê DBP'ê Keskîn Bayindir a li dozgeriyê hê dest pê nekiriye.