
Pirtûka ku ‘biryara wê ya komkirinê’ nîne nedan rojnamevanê girtî

2022-12-28 14:32:02


	AMED - Pirtûka bi navê “Şevên Darvekirinê yên li Sînopê” ku ji aliyê malbata rojnamevan Ramazan Gecîken ê li Amedê girtî ye ve hate şandin, tevî ku “biryara wê ya komkirinê” nîne jî nehat dayîn.&nbsp;

	&nbsp;

	Pirtûka ji aliyê malbata yek ji 16 rojnamevanên ji 16’ê Hezîranê û vir ve bêyî îdianameyekê li Girtîgeha Ewlehiya Bilind a Amedê tê ragirtin Ramazan Gecîken ve hate şandin, nedan Gecîken. Pirtûka “Şevên Darvekirinê yên li Sînopê (Sinop’ta İdam Geceleri)” ku nivîskar Yilmaz Sezgîn têkildarî serdema Darbeya 12’ê Îlonê nivîsandiye û ji aliyê Weşanên Aramê ve tê weşandin, ji aliyê komisyona xwendinê ya girtîgehê ve hate desteserkirin.&nbsp;

	&nbsp;

	‘BIRYARA KOMKIRINÊ NEBE JÎ…’

	&nbsp;

	Gecîken, li dijî biryara desteserkirinê ji bo pirtûkê bidin wî serî li 1’emîn Dadgeha Ceza ya Sûlh a Amedê da. Dadgeha ku îtîraz nirxand, tevî biryara komkirinê nîne jî hin gotinên di rûpelên 35 û 155’emîn ên pirtûkê de derbas dibin di çarçoveya madeya 3’yemîn a xala 62’yemîn a Qanûna Derbarê Înfaza Bergiriyên Ewlehî û Ceza ya Hejmara 5275’an de nirxand.&nbsp;

	&nbsp;

	PIRTÛK NEDAN GIRTÎ&nbsp;

	&nbsp;

	Dadgehê îdia kir ku naveroka weşanê “dîsîplîn, pergal an jî ewlehiya saziyê xera dike an jî têxe xeteriyê, nivîs, wêne û şirovêyên mustehcen di nav de ne” û biryar da ku pirtûkê nedin girtî.&nbsp;

	&nbsp;

	&nbsp;