
Serokê TBB’ê: Bihîstina qîrîna Malbata Şenyaşar bi darizandineke adilane dibe   

2022-12-29 14:05:44


	&nbsp;

	RIHA - Serokê TBB’ê Erînç Sagkan li Rihayê çû serdana Malbata Şenyaşar û wiha got: “Li vir dayikek heye ku ji bo edaletê diqîre. Bihîstina vê qîrînê jî tenê bi darizandineke adilane dibe.”&nbsp;

	&nbsp;

	Xizm û parastvanên Parlamenterê AKP’ê Îbrahîm Halîl Yildiz di 14’ê hezîrana sala 2018’an de li Pirsûs a Rihayê êrişî malbata Şenyaşar kir. Di encama êrişê de hevjîn û du kurên dayika Emîne Şenyaşar hatin qetilkirin. Emîne Şenyaşar û kurê wê Ferît Şenyaşar ku ji komkujiyê bi birîndarî xelas bûbû, di 9’ê adara 2021’an de li pêşiya Edliyeya Rihayê dest bi Nobeta Edaletê kiribûn. Çalakiya malbatê di roja 661’an de jî li pêşiya Edliyeya Rihayê berdewam kir.&nbsp;

	&nbsp;

	Serokê Yekitiya Baroyên Tirkiyeyê (TBB) Erînç Sagkan hate serdana malbatê. Malbatê li cihê çalakiyê pankarta “Nobeta Edaletê ya li dijî hiqûqa serdestan” hatibû daliqandin. Her wiha Serokê Baroya Rihayê Abdullah Oncel jî bi Sagkan re hat cihê nobetê. Sagkan bi Ferît û Emîne Şenyaşar re hevdîtin kir û têkildarî pêvajoya darazê agahî girtin û daxwazên malbatê guhdar kir.&nbsp;

	&nbsp;

	'DIVÊ DARIZANDINEKE ADILANE BÊ KIRIN’&nbsp;

	&nbsp;

	Piştre jî Sagkan axaftineke kin kir. Sagkan, got ku salek berê jî hatibû serdana malbatê û wiha got: “Dema em hatin vê derê bi rastî jî qîrîneke mezin a edaletê hebû. Nobeta Edaletê ya ku dayikeke zarok û hevjînê wê hatine qetilkirin didomand û baroyê jî piştgirî didayê hebû. Li vir dayikek heye ku ji bo edaletê diqîre. Divê mirov vê qîrînê bibihîse. Bihîstina vê qîrînê jî tenê bi darizandineke adilane dibe. Tişta ku divê were kirin pir hêsan e. Îstînafê dosyaya ewilî xera kiriye û biryar da ku divê bi hev re bên meşandin. Divê darizandineke ku wijdana cemaweriyê jî pê rehet bibe û zelal were kirin.”

	&nbsp;