
Li Îranê 2 kes hatin bidarvekirin  

2023-01-07 10:59:12


	&nbsp;

	NAVENDA NÛÇEYAN - Muhammed Mehdî Kerîmî û Seyîd Muhammed Huseyînî ku bi hêceta tev li çalakiyan bûne hatibûn girtin, hatin darvekirin.&nbsp;

	&nbsp;

	Aktîvîsta kurd Jîna Emînî li Îranê ji aliyê hêzên rejîma Îranê ve hatibû qetilkirin. Piştî qetilkirina Emînî gelê kurd ê rojhilatê Kurdistanê û dostên xwe serî hildan û serildan hê jî didome. Muhammed Mehdî Kerîmî û Seyîd Muhammed Huseyînî ku bi hêceta tev li çalakiyan bûne hatibûn girtin, bi îşkenceya giran re rûbirû man vê sibehê hatin darvekirin. Bi darvekirina Kerîmî û Huseyînî re hejmara çalakvanên ji aliyê rejîma Îranê ve hatin darvekirin derkat 4’an.&nbsp;

	&nbsp;

	CEZAYÊ DARVEKIRINÊ DABÛN 5 KESAN&nbsp;

	&nbsp;

	Li gorî agahiyên ku Înternationala Îranê daye, tê gotin Kerîmî û Huseyînî ji kuştina endamê Besîcê Ruhollah Ajamian tên tawanbarkirin û li ser biryara Dadgeha Bilind a Îranê li gel ku kampanya ji bo wan hatibû destpêkirin jî hatin darvekirin. Ruhollah Ajamian ku endamê çeteyên paramîlîter ê endamê Besîcê ye. Têkildarî kuştina vî kesî di meha mijdarê de li 5 kesan cezayê darvekirinê hatibû birîn û li 11 kesan jî cezayên dirêj ê hefsê hatibû birîn.&nbsp;

	&nbsp;

	LI SER TELEGRAMÊ RAGIHAND&nbsp;

	&nbsp;

	Piştî biryara darvekirinê hatibû day3in li Girtîgeha Karajê jinên girtî li dijî biryara darvekirinê greva birçîbûnê dabû dest pê kir û 14 roj didome. Dîrektorê Têkiliyên Gel ê Dadgeha Bilind Amir Haşimî vê sibehê li ser qenala Telegramê ya Ajansa Nûçeyan a Darazê ragihand ku Kerîmî û Huseyînî hatine darvekirin.&nbsp;

	&nbsp;

	Muhemmed Mehdî Kerîmî di dema xwepêşandanan de hatibû binçavkirin û bi kuştina Besîcîyekî dihate tawanbarkirin. Ji Bîcarê bû. Bîcar bajarekî eyaleta Kurdistanê ye.

	&nbsp;