
Dayika Aştiyê Bedriye Demîr hate veşartin

2023-01-07 15:03:26


	&nbsp;

	RIHA - Dayika Aştiyê Bedriye Demîr ku li Rihayê li nexweşxaneya lê dihat dermankirin jiyana xwe ji dest da, hate veşartin.&nbsp;

	&nbsp;

	Ji Meclisa Dayikên Aştiyê ya Rihayê Bedriye Demîr (65) ji ber kezeba wê enfeksiyon girtibû rakiribûn Nexweşxaneya Lêkolîn û Perwerdehiyê ya Mehmet Akîf Înan û duh êvarî li wir jiyana xwe ji dest da. Malbata Demîr, Meclisa Dayikên Aştiyê ya Rihayê, Tevgera Jinên Azad (TJA), Partiya Demokratîk a Gelan (HDP), Partiya Herêmên Demokratîk (DBP), Komeleya Piştevanî û Alîkariyê ya bi Malbatên Xizmên Xwe li Ser Axa Qedîm Windakirine re (KATDER), parlamentera HDP’ê Ayşe Surucu cenazeyê Demîr ji morga nexweşxaneyê girtin û anîn Mizgefta Yûsûf Paşa. Piştî li vir wecîbeyên olî pêk hatin, jinan cenaze heta Goristana Bedîuzzaman hilgirtin. Demîr bi duayan re hate veşartin.&nbsp;

	&nbsp;

	Surucu ya li ser gorê axivî, diyar kir ku Bedriye Demîr bi salan e ji bo aştiyê têdikoşe, wê di rêya wê de biçin û anî ziman ku wê heta aştiyê bînin welat têkoşînê mezin bikin.

	&nbsp;