Malbata Şenyaşar: Mizgînî wê îktidarê rizgar nekin  

2023-01-09 12:19:00


	 

	RIHA - Malbata Şenyaşar ku di roja 672’yemîn de nobeda xwe ya edaletê didomîne got: “Heta ku di civînên kabîneyê de bêedaletî neyê axaftin, wê mizgînî têra rizgariya îktidarê nekin.” 

	 

	Li navçeya Pirsûsê ya Rihayê di 14’ê Hezîrana 2018’an de beriya Hilbijartina Giştî, xizm û parêzvanên parlamentere AKP’ê Îbrahîm Halîl Yildiz êrişî ferdên malbata Şenyaşar kiribûn û Haci Esvet Şenyaşar û lawên xwe Fadil û Adil Şenyaşar di êrişê de hatibûn hatibûn qetilkirin. Emîne Şenyaşar û bi lawê xwe Ferît Şenyaşar re ji 9’ê Adara 2021’ê ve li ber Edliyeya Rihayê daxwaza edaletê dikin ku di dozê de pêk were.  Emîne û Ferît Şenyaşar serê sibehê hatin ber edliyeyê û nobedê di roja 672’yemîn de berdewam kirin. 

	 

	Malbatê li ser hesabê xwe yê Twitterê vê peyamê belav kir: “Têkoşîna me ya ‘Maf û Edaletê’ li Rihayê di roja 672’yemîn de ye. Her kes baş dizane ku em di doz û têkoşîna xwe de mafdar in. Heta ku di civînên kabîneyê de bêedaletî neyê axaftin, wê mizgînî têra rizgariya îktidarê nekin.”