
Hevdîtina li gel Abdullah Ocalan dîsa ji bo 3 mehan hat qedexekirin

2023-01-12 15:31:05


	&nbsp;

	STENBOL - Sê mehên din jî qedexeya hevdîtinê li Rêberê PKK’ê Abdullah Ocalan hat birîn. “Cezayê dîsiplînê” wek hêceta qedexeyê hat nîşandan û parêzeran got ew ê serî li AYM’ê bidin.&nbsp;

	&nbsp;

	Rêberê PKK’ê Abdullah Ocalan 24 sal in li Girtîgeha Girava Îmraliyê ya &nbsp;Tîpa F a Ewlehiay Bilind di şert û mercên tecrîdê de tê ragirtin. Ji 21 mehê zêdetir e ji Abdullah Ocalan û girtiyên cem wî Omer Hayrî Konar, Veysî Aktaş û Hamilî Yildirim agahî nayê girtin. Parêzerên Buroya Hiqûqê ya Sedsalê parêzeriya Abdullah Ocalan û girtiyên cem wî dikin. 21 meh in her çiqas parêzer û malbata Ocalan û malbatên girtiyên din serlêdana hevdîtinê dikin jî bi hêcetên wek “cezayên dîsiplînê” û “qedexeya hevdîtinê” tên redkirin.&nbsp;

	&nbsp;

	BIRYARA ‘QEDEXEYA’ NÛ&nbsp;

	&nbsp;

	Herî dawî di 9’ê îlona 2022’yan de “cezayê dîsiplînê” li Ocalan û girtiyên din hatibû birîn û di 9’ê kanûna 2022’yan de qediya. Piştî ceza qediya, parêzeran di 15 û 23’ê kanûna 2022’yan û 3’yê çileya 2023’yan de 3 caran hem serî li girtîgehê hem jî serî li dozgeriyê dan lê belê serlêdanên wan bêencam man.&nbsp;

	&nbsp;

	Dadgeriya Înfazê ya Bûrsayê ji parêzeran re ragihand ku qedexeya hevdîtinê ya nû ji bo 3 mehan dane malbata Abdullah Ocalan û malbatên girtiyên din. Ev qedexe di 4’ê çile de hatiye birîn. Dadgeriyê hêceta qedexeyê jî wek “cezayê dîsiplînê” nîşan da. Lê belê sedema danîna cezayê qedexeyê û dîroka ceza tu agahî nehatin parvekirin.&nbsp;

	&nbsp;

	PARÊZER DÊ SERÎ LI AYM’Ê BIDIN&nbsp;

	&nbsp;

	Parêzerên Abdullah Ocalan û her sê girtiyên din di 10’ê çile de îtîrazî biryara qedexeyê kirin. Dadgeha Cezayê Giran a Bûrsayê di heman rojê de serlêdana parêzeran red kir.&nbsp;

	&nbsp;

	Parêzeran ragihand ku ew ê li dijî biryara qedexeya hevdîtinê serî li Dadgeha Destûra Bingehîn (AYM) bidin.

	&nbsp;

	MA/ Mehmet Aslan

	&nbsp;