
Derket holê ku ciwanê digotin ji zinar ketiye hatiye kuştin 

2023-01-15 10:50:10


	WAN - Dihat îdiakirin ku ciwanê bi navê Mazlum Taş li navçeya Şaxê ya Wanê ji zinar ketiye û jiyana xwe ji dest daye. Lê belê derket holê ku Taniş, ji hêla bavê xwe Zubeyîr Taniş ve hatiye kuştin.&nbsp;

	&nbsp;

	Ciwanê bi navê Mazlum Taniş (23), di 10’ê çileyê de li Taxa Arix a Şaxa Wanê li gel bavê xwe bizin diçêrandin û ji wê rojê ve agahî jê nehatin girtin. Piştî xebatên lêgerînê, cenazeyê Taniş di 13’ê çileyê de li devereke çiyayî ya 5 kîlomîtroyan ji taxê dûr hate dîtin. Ji ewil hat îdiakirin ku Taniş ji zinaran ketiye û jiyana xwe ji dest daye. Cenazeyê Taniş ji bo otopsiyê rakirin Saziya Tipa Edlî ya Wanê.&nbsp;

	&nbsp;

	Di rapora otopsiyê de derket holê ku Taniş bi çekê hatiye kuştin û piştre jî ji zinar hatiye avêtin. Li ser vê yekê Fermandariya Cendirmeyan a Şaxê ji bo îfadeyê bang li bavê Taniş, Zubeyîr Taniş kir. Taniş, di îfadeya xwe de got ku bi kurê xwe re nîqaş kiriye û li ser vê yekê jî kuştiye. Taniş, piştre sewqî dadgehê hate kirin û hate girtin.&nbsp;

	&nbsp;