
2 sal cezayê hefsê li rojnamevana bi bavê Jîna Emînî re axivî birîn 

2023-01-31 10:17:01


	&nbsp;

	NAVENDA NÛÇEYAN - Rojnamevan Nazîla Marûfiyan ku ji ber hevpeyvîna bi bavê Jîna Emînî re kiribû weşand hatibû girtin û di 9’ê çileyê de bi kefaletê hatibû berdan 2 sal cezayê girtîgehê lê hate birîn. Her wiha ji Marûfiyan ku cezayê wê hate taloqkirin re 5 salan cezayê qedexe derveyî welat hate birîn.&nbsp;

	&nbsp;

	Rojnamevan Nazîla Marûfiyan a li bajarê Seqîz ê Rojhilatê Kurdistanê dijî, ji ber ku di 13’ê cotmeha 2022’yan de hevpeyvîna bi bavê Jîna Emînî ya li paytexta Îranê Tehranê ji aliyê polîsên Geşt-î Îrşad ve di bin çavan de hate îşkencekirin û di 16’ê cotmehê de jiyana xwe ji dest da kiribû weşand, 2 sal cezayê girtîgehê lê hat birîn.&nbsp;

	&nbsp;

	QEDEXEYA DERVEYÎ WELAT

	&nbsp;

	Rojnamevana Seqizî Marufiyan a 23 salî ji aliyê Şaxa 26’emîn a Dadgeha Şoreşê ya Tehranê ve bi sûcê “propagandaya li dijî rejîmê” û “weşandina nûçeyên derew ên ji bo sorkirina raya giştî” ceza girt. Rojnamevan Nazîla Marûfiyan a biryar li ser hesaba xwe ya medyaya dîjîtal ragihand, da zanîn ku di 28’ê çileyê de ji aliyê Şaxa 26’emîn a Dadgeha Şoreşê ya Tehranê ve hatiye vexwendin û biryar bi awayekî fermî ji wê re hatiye teblîxkirin. Marûfiyan, anî ziman ku 2 sal cezayê hefsê yê lê hatiye birîn hatiye taloqkirin û 5 salan cezayê qedexeya derveyî welat lê hatiye birîn.&nbsp;

	&nbsp;

	DI 30’Ê COTMEHÊ DE HATE GIRTIN

	&nbsp;

	Rojnameger Nazîla Marûfiyan piştî weşandina hevpeyvîna bi bavê Jîna Emînî re ya di 30ê Cotmeha 2022’an de bi fermana Serdozgeriya Polîsan a li Girtîgeha Evînê hat girtin û di dema lêpirsîna li navenda girtîgehê de rastî zext û gefên giran ên îtirafkirinê hat.&nbsp;

	&nbsp;

	BI KEFALETÊ HATE BERDAN

	&nbsp;

	Rojnameger Marûfiyan ji ber zextan du caran aciz bûbû û sewqkiribûn nexweşxaneyê û hatibû dermankirin.&nbsp;

	&nbsp;

	Marûfiyan di 9’ê çileyê de bi 600 milyon tumen (14 hezar dolar) kefaletê bi awayekî demkî ji Girtîgeha Qarçakê hatibû berdan.&nbsp;

	&nbsp;