
Hevserokê DBP’a Amedê Altûn hat tehliyekirin  

2023-02-02 15:19:38


	&nbsp;

	AMED - Hevserokê DBP’a Amedê Hayrettîn Altûn ê di opersyona li dijî DBP’ê de hatibû girtin, di danişîna ewil de hat berdan.&nbsp;

	&nbsp;

	Di çarçoveya lêpirsîna ji aliyê Serdozgeriya Komarê ya Amedê de 23’ê kanûna 2022’yan li dijî Partiya Herêmên Demokratîk (DBP) hatibû destpêkirin, Hevserokê Giştî yê DBP’ê Keskîn Bayindir û 14 hevserokên bajaran hatibûn binçavkirin. 5’emîn Dadgeha &nbsp; Cezayê Sulhê ya Amedê derbarê Bayindir û Hevserokê DBP’a Amedê Hayrettîn Altun de bi îdiaya “endamtiya rêxistinê” biryara girtinê dabû û yên din hatibûn berdan. Danişîna ewil a doza Hayrettîn Altûn li 5’emîn Dadgeha Cezayê Giran a Amedê hat lidarxistin. Altûn û parêzerên xwe Burhan Arta, Cemîlle Turhalli, Yakûp Demîr di danişînê de amade bûn. Hevseroka Giştî ya DBP’ê Salîha Aydenîz, rêveberên DBP’ê û HDP’ê û nûnerên rêxistinên sivîl dozê şopandin.&nbsp;

	&nbsp;

	‘ME ÇALAKIYÊN QANÛNÎ LI DAR XISTIN’&nbsp;

	&nbsp;

	Altûn di danişînê de li dijî îdiayên li ser xwe parastina xwe bi kurdî kir û destnîşan kir ku çi çalakiyên ew jê tê tawanbarkirin hemû çalakiyên qanûnî bûne û çalakiyan di çarçoveya azadiya raman û derbirînê de li dar xistine.&nbsp;

	&nbsp;

	Altûn xwest were berdan û biryara beraeta wî bê dayîn.&nbsp;

	&nbsp;

	Parêzerên Altûn jî parastina miwekîlên xwe kirin û xwestin were berdan û beraetkirin.&nbsp;

	&nbsp;

	Dozger xwest biryara berdewamiya girtina Altûn bê dayîn.&nbsp;

	&nbsp;

	Parêzeran li dijî daxwaza dozger dîsa parastinê kirin û xwestin miwekîlê wan were berdan.&nbsp;

	&nbsp;

	Heyeta dadgehê bi şertê kontrola edlî ku derketina derveyî welat a Altûn bê qedexekirin biryara berdana wî da û danişînê taloqî 9’ê adarê kir.&nbsp;

	&nbsp;