
Bersûcê doza Şimonî Dîrîl hat tehliyekirin  

2023-02-03 14:13:33


	&nbsp;

	ŞIRNEX - Di doza Şimonî Dîrîl de li gel ku şahid got, “Şimonî avêtine avê û Hurmuz jî xistine binê erdê” jî dadgehê bi şertê “hefsa malê” biryara berdana Aprol Dîrîl ku tenê bersûcê girtîbû da.&nbsp;

	&nbsp;

	Li gundê Merhî yê bi ser navçeya Elkê ya Şirnexê ve di 11’ê çileya 2020’an de Hurmuz Dîrîl (71) û Şimonî Dîrîl (65) ên hevjînên hev hatibûn windakirin. Piştî windakirinê bi 70 rojan cenazeyê Şimonî Dîrîl hat dîtin. Têkildarî bûyerê derbarê Apro Dîrîl, Behçet Oztunç û Îsmaîl Yildzi de ji tawanbariya “kuştina bi eziyetî û hovane” û “kuştina plankirî” doz hat vekirin. Danişîna 5’emîn a dozê li 1’emîn Dadgeha Cezayê Giran a Şirnexê hat lidarxistin. Bersûcê ku bi tenê girtî ye Aprol Dîrîl, muştekî û parêzer tev li danişînê bûn.&nbsp;

	&nbsp;

	‘ŞIMONÎ AVÊTINE AVÊ Û HURMUZ BINAX KIRINE’&nbsp;

	&nbsp;

	Emîn Aslan ê girtî wek şahidê bûyerê lê hat guhdarîkirin. Aslan da zanîn ku Dîrîl jê gotiye wî cînayet pêk aniye û Apro Dîrîl jê re gotiye, “Me Şimonî û Hurmuz kuşt. Piştre jî me Şimonî avêt avê û Hurmuz jî xist binê erdê.”&nbsp;

	&nbsp;

	Apro Dîrîl jî axivî û îdia kir ku tişta şahid vedibêje derew e û ji ber ku wî û Aslan nîqaş kiriye îftirayan lê dike.

	&nbsp;

	Dozger xwest ji ber ku dê bersûc bireve bila biryara dewama girtina wê bê dayîn û darizandin.&nbsp;

	&nbsp;

	Ji parêzerên dosyeyê Rojhat Dîlsîz diyar kir ku ji destpêka lêpirsînê ve bi awayek silamet nayê birêvebirin û tiştên ku şahid vedibêje li gorî tiştên di dosyeyê de ne û xwest bersûc girtî bê darizandin.&nbsp;

	&nbsp;

	GELO AXAFTINA LI GEL ÇAPEMENIYÊ KENGÊ BÛ SÛC?&nbsp;

	&nbsp;

	Parêzerê bersûc jî îdia kir ku ji ber malbata Dîrîl û parêzerên xwe ji çapemeniyê re axivîne sûc kirine û bûyerê berovajî dikin. Karakaş îdia kir ku miwekîlî wî “bêtawan” li girtîgehê tê ragirtin.&nbsp;

	&nbsp;

	HAT TEHLIYEKIRIN&nbsp;

	&nbsp;

	Piştî parastinan heyeta dadgehê, bersûcê girtî Apro Dîrîl bi şertê “hefsa malê” berda û danişînê taloqî 23’ê gulanê kir.&nbsp;

	&nbsp;

	Piştî danişînê malbata Dîrîl bertek nîşanî biryarê da û di navbera malbatan de rageşî qewimî.&nbsp;

	&nbsp;

	Parêzerê doza Şimonî Dîrîl, Rojhat Dîlsîz li ber edliyeyê axivî û biryara tehliyeyê carek din wîjdanên wan êşandiye û ew ê li ber biryarê îtîraz bikin.&nbsp;

	&nbsp;