
Li Semsûrê welatî di bin kavilan de mane: Xebatên rizgarkirinê tune ne  

2023-02-07 00:55:16


	&nbsp;

	SEMSÛR – Li Semsûrê ku bandor ji erdhejê girtiye, xebatên rizgarkirinê nehatine destpêkirin. Li bajarê ku bi sedan welatî di bin kavilan de ne, gel bi derfetên xwe xebatên lêgerîn û rizgarkirinê bi rê ve dibe.&nbsp;

	&nbsp;

	Li Semsûrê ku bandoreke mezin ji erdheja li Bazarcixa Mereşê û Dîlokê wergirt, xebatên lêgerîn û rizgarkirinê nehatine destpêkirin. Li bajêr ku bi sedan avahî lê hilweşiyaneî gel bi derfetên xwe xebatên rizgarkirinê bir ê ve dibe. Din ava rojê de bi dehan kes ji bin kavilan hatine derxistin û tê gotin ku hê jî bi sedan kes di bin kavilan de ne.&nbsp;

	&nbsp;

	XEBATÊN RIZGARKIRINÊ TUNE NE

	&nbsp;

	Çendî di ser erdhejê re gelek wext derbas bûye jî, heya niha ekîbeke rizgarkirinê jî nehatiye kirin û ji berk u ekîbên şaredariyê kêm in, hê neçûne gelek taxan. Li bajêr ceryan qut bûye. Her wiha şebekeyên telefonê nakişînin û înternet tune ye. Welatî nikarin xwarinê peyda bikin.

	&nbsp;

	KON Û SOTEMENÎ TUNE NE

	&nbsp;

	&nbsp;

	Hema bêje di hemû xaniyan de xesar çêbûye. Welatiyên ku nikarin biçin malên xwe li kuçeyan agir pêxistine û xwe germ dikin. Tîmên AFAD û Kizilayê nehatine bajêr û pirsgirêka kon û sotmeniyê jî heye.&nbsp;

	&nbsp;

	Welatiyên li taxa Cumhûrîyetê li Eywana Dawetê ya Hîsarê kom bûne û li taxên Yenîmahalle, Yeşîlyurt, Kayalik, Turgutreîs, Bahçelîevler, Bahçecîk, Mîmar Sînan, Karapînarê welatî bi derfetên xwe welatiyên di bin kavilan de mane hewl didin rizgar dikin. Welatî li kuçeyan disekinin.

	&nbsp;

	DI BIN KAVILAN DE PEYAMAN DIŞÎNIN&nbsp;

	&nbsp;

	Li bajêr bi welatiyên ku di bin kavilan de mane peyaman ji xizmên xwe re dişînin û bi dehan kes li bnda rizgarkirinê ne. Bajarê Semsûrê ku terkî çarenûsa xwe htiye kirin nayê zanîn ku wê kengê xebat lê bên destpêkirin.

	&nbsp;

	Parlamenterên HDP’ê Abdullah Koç, Şevîn Coşkun û Kemal Bulbul hatin bajêr û serdana xelkê bajêr dikin.

	&nbsp;

	MA / Ahmet Kanbal

	&nbsp;