
ÎTO’yê 9 karavan û 2 kamyonên alavên tibbî şandin herêmên erdhejê  

2023-02-11 11:54:57


	&nbsp;

	STENBOL - ÎTO’yê maseya krîzê ava kir û heta niha 9 karavan û 2 kamyonên alavên tibbî şandine Semsûr û Hatayê. Xwendekarên ku di maseya krîzê de cih digirin, dan zanîn ku heta birînên gel tên cebirandin dê di nava xebatan de cih bigirin.&nbsp;

	&nbsp;

	Odeya Bijîşkan a Stenbolê (ÎTO) piştî erdhejên bi pileyên 7,7 û 7,6 ên navenda Bazarcix a Mereşê, ji bo xebatkarên tenduristiyê yên dilxwaz, derman û piştevaniya lojîstikê bişîne herêmên erdhejê, maseya krîzê ava kir. Heta niha 9 karavan û 2 kamyonên alavên tibbî ji Semsûr û Hatayê re hatine şandin. Her wiha heta niha hezar û 600 xebatkarên tenduristiyê ji bo li herêmên erdhejê bixebitin serî li ÎTO’yê dane.&nbsp;

	&nbsp;

	HEWCEHÎ BI ALAVÊN TIBBÎ HEYE&nbsp;

	&nbsp;

	Xwendekarê Fakûlteya Tipê ya Stenbolê Îkram Budakçi ku di maseya krîzê ya ÎTO’yê de bi dilxwazî cih digire, got ku li herêmên erdhejê hewcehî bi her cureyên derman û alavên paqijiyê heye û ev tişt anî ziman: “Di koliyan de ji enjektoran heta, bîsturî, setên kîstê, alavên ortopedîk, pateyên pêçanê, serûm, êşbir û alavên tibbî hene. Me çendek roj berê alavên tibbî şandin û îşev jî dê konteynirek bi rê keve. Tevî hevalên xwe em her roj tên ÎTO’yê û ji bo amadekirina koliyan dibin alîkar. Dê gelek hevalên me bên. Em dixwazin biçin herêmên erdhejê lê dibistan destûrê nade. Xebatên me li dibistanê jî didomin.”&nbsp;

	&nbsp;

	Xwendekara Fakûlteya Tipê ya Çapa ya Stenbolê Sûltan Aydemîr jî banga hestiyariyê li gel kir û xwest ku hemû kes bibe alîkar.&nbsp;

	&nbsp;

	Xwendekaran got ku heta birînên gelê herêmê dicebirin dê xebatên xwe bidomînin.&nbsp;

	&nbsp;