
Malbat li ber kavilan li benda derxistina xizmên xwe ne 

2023-02-12 18:55:52


	&nbsp;

	AMED - Li Amedê malbatên ku li ber kavilan li benda derxistina xizmên xwe ne, hev du teselî dikin.&nbsp;

	&nbsp;

	Li Amedê ji bin kavilên Apartmana Sozelê ya li semta Ofîsê ya navçeya Yenîşehîrê 4, ji bin kavilên Apartmana Serîn 2 (Cengîzler) a li semta Tesîslera ya navçeya Rezanê 2 cenaze hatin derxistin. Malbatên ku di vê sir û seqemê de li ber kavilên avahiyan li benda derxistina xizmên xwe ne, hev du teselî dikin.&nbsp;

	&nbsp;

	4 cenazeyên ji bin kavilên Apartmana Sozelê hatin derxistin, ji bo tespîtkirina nasnameya wan sewqî nexweşxaneyê hatin kirin. Tê gotin ku hê jî 7 kes di bin kavilan de ne.

	&nbsp;

	Tê gotin ku 2 cenazeyên ji bin kavilên Apartmana Serîn 2'yê hatin derxistin jî yên bav û law in. Tê gotin ku hê jî di bin kavilan 40 kes hene.&nbsp;