
Şandeya HSK’ê ku tevî biryarnameyê danişîn li dar xist wê li HSK’ê bê gilîkirin 

2023-02-17 12:24:51


	&nbsp;

	AMED - Serokê Şaxa ÎHD’a Amedê Abdullah Zeytûn, diyar kir ku ew ê şandeya dadgehê ku tevî biryarnameya erdhejê danişîna doza Mehmet Ûytûn ê 18 mehî yê di encama fîşeka gazê de jiyana xwe ji dest da li dar xist, giliyê HSK’ê bikin.&nbsp;

	&nbsp;

	Li navçeya Cizîrê ya Şirnexê Mehmet Uytun ê 18 mehî ku di hembêza dayika xwe de bû bi fişeka gazê ya çawişê pispor H.A. avêtibû bi serê wî ketibû û jiyana xwe ji dest dabû. Derbarê faîl H.A de ji tawanbariya “bûye sedemê kuştina biqestî” doz hat vekirin. Danişîna duyemîn a dozê li 1’emîn Dadgeha Cezayê Asliye ya Cizîrê hat lidarxistin.&nbsp;

	&nbsp;

	Malbata Uytun û parêzerên wî ragihandin dadgehê ku ew ê ji ber erdhejê tev li danişînê nebin. Piştî guhdariya li şahid û parastina bersûc şandeya dadgehê biryar da ku dosye carek din bişînin Saziya Tiba Edlî û di danişînek din de bersûc li dadgehê amade be da û ji bo temamkirina kêmasiyên di dosyeyê de danişîn taloqî 2’yê gulanê kir.

	&nbsp;

	Yek ji parêzerên dozê Serokê Komeleya Mafên Mirovan (ÎHD) a Amedê Abdullah Zeytûn, bertek nîşanî bêhiqûqiya ji ber erdhejê hatiye nîşandan da.&nbsp;

	&nbsp;

	Zeytûn, diyar kir ku ji ber karesata erdhejê wan bi armanca taloqkirina danişîna duh hatiye dîtin daxwaznameyeke hincetê pêş keş kirine û da zanîn ku dadgehê daxwaznameyê wan berçav negirtî ye û anî ziman ku di danişînê de bêyî wan îfadeya bersûc û hêzên ewlehiyê yên şahid wergirtî ye û bersûc ji hemû danişînan hatiye xelaskirin.&nbsp;

	&nbsp;

	‘EM Ê LI HSK’Ê GILÎ BIKIN’&nbsp;

	&nbsp;

	Zeytûn, bal kişand ku di pêvajoya karesatê de jî rêzikên bingehîn ên hiqûqê hatine binpêkirin û got: “Tê zanîn ku pêvajoya darizandina ceza, pêvajoyeke bi tenê bi beşdariya aktîf a hemû aliyan dikare were meşandin. Wekî din; tev li bûna me û ya malbatê ya di dozeke ku hêzekî ewlehiyê yê faîlê tê darizandin de şert e. Li aliyê din dadgehê biryara HSK’ê û biryarnameya Serokkomariyê tune hesibandiye danişîn li dijî kesên mexdûr bi rê ve biriye. Em ê ji ber vê helwesta dadgehê ya li dijî hiqûqê wê li HSK’ê gilî bikin.”

	&nbsp;

	&nbsp;