
Rapora ‘kêmxesar’ dan xaniyê xesar lê çêbûye  

2023-02-18 13:57:42


	&nbsp;

	SEMSÛR - Li Semsûrê rapora “kêmxesar” dan xaniyek ku dîwarê hilweşiyan e û sê kolonê wê xesar dîtine.&nbsp;

	&nbsp;

	Li Semsûrê xebatên tespîtkirina xesarê didomin. Tîmên tespîtkirina xesarê ji avahiyên xesar dîtine nimûneyan digirin, li avahiyên hatine kontrolikirin, nivîsa “hatiye kontrolkirin” û her wiha bi herf û reqaman îşaret li ser avahiyan dixin. Li gelek avahiyan jî bêyî ku tespîta xesarê bê kirin li derve lê dinêhirin û diçin.&nbsp;

	&nbsp;

	BÊYÎ KU BIÇIN HUNDIRÊ XANÎ TESPÎTÊ KIRINE&nbsp;

	&nbsp;

	Yek ji taxên ku herî zêde erdhejê tesîr lê çêkiriye jî taxa Yenî ya Semsûrê ye. Li taxê xebatên tespîta xesarê didomin. Encama van tespîtan li pergala e-devletê tê barkirin. Mala Huseyîn Îsot du qatî ye û dîwarên mala wî hilweşiyan e û 3 kolonan jî xesarek giran dîtiye. Îsot diyar ki ku tîma tespîtkirina xesaran ji bo mala wî li gel hilweşiyaye jî rapora “kêmxesar” dane û bêyî li mala wî tespît bê kirin rapor hatiye amadekirin. Îsot got rapor li pergala e-devletê hatiye barkirin û wî îtîrazî encama raporê kiriye.&nbsp;

	&nbsp;

	'EM BI MIRINÊ RE RÛBIRÛ NE’&nbsp;

	&nbsp;

	Îsot anî ziman ku li gel kolonên xaniyê wî hnilweşiyane jî Wezareta Hawirdorê û Bajarvaniyê rapora “kêmxesar” dane mala wî û got: “Ev tê wê maneyê ku ji me re dibêjin biçin lê rûnên û bimirin. Em bi mirinê re rûbirû ne. Ez dixwazin ew tîm ango rayedar werin carek din tespîtê bikin û raporê ji nû ve amade bikin.” Îsot destnîşan kir ku xelkê bajarê Semsûrê hê jî bi birçîbûnê, perîşanî û hewa sar re rûbirû dimîne û pirsgirêka hêwirînê ya xelkê nehatiye çareserkirin.&nbsp;

	&nbsp;

	MA / Omer Akin - Ahmet Kanbal

	&nbsp;