
Li aqûbeta Maksût Tepelî yê 39 sal berê hat windakirin pirsîn  

2023-02-18 15:45:35


	&nbsp;

	ÎZMÎR - ÎHD’a Îzmîrê li aqûbeta Maksût Tepelî yê mamoste ku di binçavan de hat windakirin pirsî.&nbsp;

	&nbsp;

	Komeleya Mafê Mirovan (ÎHD) a Şaxa Îzmîrê çalakiya “Bila winda bên dîtin û kujer werin darizandin” ji hefteyan carek li dar dixe li ber Sumerbanka kevn a li Konaka Îzmîrê pêk anî. Rêveberên ÎHD’ê di çalakiyê de pankarta “Weinda wîjdan in, xwedî derkeve” û “Kujer diyar in winda li ku ne?” hatin hildan û li aqûbeta Makstû Tepelî (28) ê mamoste ku di 2’yê sibata 1984’an de li navçeya Ataşehîra Stenbolê hat binçavkirin û windakirin pirsîn.&nbsp;

	&nbsp;

	Sekreterê ÎHD’a Îzmîrê Alî Aydin destpêka axaftina xwe de ji malbatên qurbaniyên erdhejê re sersaxî xwest û selamitiyê ji birîndaran xwest.&nbsp;

	&nbsp;

	39 SAL IN KUJER TÊN PARASTIN&nbsp;

	&nbsp;

	Aydin diyar kir ku ew vê hefteyê dosyeya 39 sal in bêceza hatiye hiştin bi raya giştî re parve dikin û 39 sal in kujerên winda Maksût tên parastin û gora wî nayê zanîn.&nbsp;

	&nbsp;

	BI AWAYEK BIRÎNDAR ÎŞKENCE LÊ HATIYE KIRIN&nbsp;

	&nbsp;

	Aydin serpêhatiya Maksût Tepelî parve kir û destnîşan kir ku Maksût Tepelî polîs ewilî li Tepelî didin û paşê wî dikin binçavan û bi awayekî birîndar îşkence lê tê kirin û tê windakirin. Aydin anî ziman ku ji roja Tepelî hatiye windakirin agahî jê nayê girtin û cihê gora wî jî nayê zanîn. Aydin da zanîn ku tevî hemû serlêdanên malbat û parêzer jî dosyeya dozê bi hêceta demboriyê bi biryara neşopandinê hatiye encamkirin.&nbsp;

	&nbsp;

	Piştî daxuyaniyê çalakiya rûniştinê hat lidarxistin.&nbsp;

	&nbsp;

	&nbsp;