
'Divê ji bo avakirina ji nû ve em xwe bi rêxistin bikin’  

2023-02-19 11:36:59


	&nbsp;

	ÎZMÎR - Siyasetmedarên li Îzmîrê diyar kirin ku zemînek rewa ya îktidarê nemaye û divê ew xwe ji bo avakirina nû ya herêmên erdhejê bi rêxistin bikin.&nbsp;

	&nbsp;

	Du erdhejên ku navenda wê navçeyên Bazarcix û Elibstan ên Mereşê bûn çêbûn. Heta niha li gorî daneyên fermî ji 40 hezarî zêdetir kes canê xwe ji dest da û bi deh hezaran welatî birîndar bûn. Siyasetmedarên li Îzmîrê balê kişandin ser herêmên erdhejê û destnîşan kirin ku îktîdara ku rê li ber xemsariyê vekir tu rewabûnê wê nemaey û îktidara AKP-MHP’ê di bin kavilan de maye.

	&nbsp;

	'DEWLETÊ TOP AVÊT’&nbsp;

	&nbsp;

	Hevserokê Rêxistina HDP’ê yê Îzmîrê Çinar Altan diyar kir ku ev afeta xwezayî veguheriye qetlîamê û berpirsiyarê vê jî rêveberê vê pergala kapîtalîst îktidara AKP-MHP’ê ye û got: “Tabloya erdhejê dide nîşandan ku dewletê top avêtiye. Îktidara AKP-MHP’ê mudaxileyî erdhejê nekir. Dewletê alîkariya xelkê nekir. Ji bo alîgirên xwe tevgeriya. Ev jî cihêkarî û tundiya li dijî civakê ye. Ev carek din xwe nîşan da. Di pêvajoyek ku dewlet xetimî gel bi awayek kolektîf, komuna tevgeriya û hevgirtinekê pêk anî.”&nbsp;

	&nbsp;

	'DIVÊ EM JI BO AVAKIRINA NÛ VE XWE BIRÊXISTIN BIKIN’&nbsp;

	&nbsp;

	Seroka Rêxistina Partiya Kedê (EMEP) a Îzmîrê Emîne Ûyar jî diyar kir ku li gel dihat zanîn dê erdhej çêbibe jî tu tevdîr nehatin girtin û erdhej veguherî qetlîamê. Ûyar anî ziman ku îktidar ketiye pey rant û berjwendiyên xwe û got divê ew li herêmên erdhejê ji bo avakirinek ji nû ve xwe bi rêxistin bikin.&nbsp;

	&nbsp;

	'GELAN HEVGIRTINÊ HÛNAND’&nbsp;

	&nbsp;

	Endama Meclisa Partiyê ya Partiya Azadiya Civakî (TOP) Dîdar Gul jî destnîşan kir ku îktidara AKP-MHP’ê di bin kavilan de maye û tu zemînek rewabûna îktidarê nemaye. Gul anî ziman ku gelê şoreşger, çepgir û welatpêr mudaxileyî pêvajoyê kiriye û hevgirtinek berfireh çêkirine û wiha got: “Tişta ku dewletê nikaribû bike me hilda ser milê xwe û pêk anî. Dewletê wek her demê kare xwe kir. Xelkê neparast, terkî mirinê kir û qeyûm tayîn kir. Lê gelan hevgirtinê hûnand û avakirina jiyana nû dewam dike.”&nbsp;

	&nbsp;

	MA/Delal Akyuz&nbsp;

	&nbsp;