Jina ku dîmenên ‘alîkariya mûxtar’ a AFAD’ê kişand hate derbkirin

2023-02-20 11:13:21


	 

	MELETÎ - Mexdûrên erdhejê yên li gundên Meletiyê serî li AFAD’ê didin arasteyî mûxtar tên kirin. Jineke ku dîmenên belavkirina alîkariyê ya li gundê Surgu veguherî rezaletê kişand, hate derbkirin. 

	 

	Li gundên navçeya Wêranşar a Meletiyê ya ji erdhejê zerareke mezin dît, rezaleta belavkirina alîkariyê heye. Piştevaniya Partiya Demokratîk a Gelan (HDP), saziyên sivîl ên civakî û dilxwazan a bi gel re tê astengkirin. Desthilatê jî muxtar xistin dewrê. Li gundê Surgu yê ji bilî derizînên di xaniyan de tu zerar negihiştiyê, di dîmenên ku dema belavkirina alîkariyên ji aliyê AFAD’ê ve radestî muxtaran hatine kirin de hatine kişandin tê dîtin ku qismekî alîkariyan bêserûber avêtine kolanan. 

	 

	DEMA DÎMENÊN TALANÊ DIKIŞANDIN HATE DERBKIRIN 

	 

	Jineke ciwan a ev rewş bi telefona xwe kişand, belavkirina alîkariyên ji aliyê muxtar û mirovê derdora wî ve ji gund re hatine şandin weke “talanê” dinirxîne. Jina ciwan a bertek nîşanî belavkirina alîkariyan a li derdora muxtar hate kirin dan, dema di qeydê de ye tê derbkirin. Jina ciwan bi dîmenê kişandî kesê wê derb dike jî teşhir dike. Ber bi dawiya dîmenê ji aliyê jina ciwan ve hatiye kişandin, muxtar jî dikeve kadrajê. 

	 

	Li bajarê ku alîkariyên tên şandin di depoyên AFAD’ê de tên komkirin, hate diyarkirin ku alîkariyên ji welatiyan re tên kiri nwê bi rêya mûxtaran bên dayîn. Welatiyên ku ji wan re dibêjin “Herin cem muxtar navên xwe binivîsin. Alîkarî wê radestî muxtarî bên kirin” gazin kirin ku muxtar alîkariyê belavî xizmên xwe dike. 

	 

	Welatiyan diyarkirin ku muxtar alîkariyan  bi awayekî wekhev belavnakin û ji ber alîkarî nagihine cihê xwe mirov mexdûr dibin. 

	 

	MA / Ahmet Kanbal