
CPJ: Rojnamevanan bi ‘terorîzmê‘ sûcbar nekin  

2023-02-22 23:33:15


	&nbsp;

	NAVENDA NÛÇEYAN - Komîteya Parastina Rojnamevanan, bang li dewleta Tirk kir ku xebatkarên çapemeniyê hew bi “terorîzmê“ sûcdar bike û rojnamevanên girtî berde.&nbsp;

	&nbsp;

	Îdianameya Serdozgêriya Enqereyê, têkildarê Kar û Barê Nivîsê yê Ajansa Mezopotamyayê Dîren Yûrtsever, nûçegihan Berîvan Altan, Ceylan Şahînlî, Denîz Nazlim, Selman Guzelyuz, Emrûllah Acar û nûçegihanên JINNEWS’ê Habîbe Eren û Ozgur Deger ku girtî ne, nûçegihana MA’yê Zemo Aggoz û Mehmet Gunhan ku bi demekê wek stajyer li buroya MA’yê ya Enqereyê xebitî, amade kir, hat qebûlkirin.&nbsp;

	&nbsp;

	Komîteya Parastina Rojnamevanan (CPJ) bi daxuyaniyekê bertek nîşanê sûcbarkirina rojnamevanan bi “endamtiya rêxistina teror“ da.&nbsp;

	&nbsp;

	Dîrektorê Bernameyên CPJ’yê yên li New Yorkê Carlos Martînez de la Serna, got: “Divê rayedar van sûcbarkirinan betal bikin, hemû rojnamevanên ji ber ku bi karê xwe rabûne û girtine, serbest berdin û rojnamevaniyê hew bi terorîzmê sûcbar bikin.“&nbsp;

	&nbsp;

	CPJ’yê da xuyakirin ku ji bo wergirtina şîroveyê têkildarê rewşa heyî, e- posta ji Serdozgêriya Komarê ya Enqereyê û Wezareta Edaletê ya Tirkiyeyê re şandine, lê bersiva wê nehatiye dayîn. &nbsp;

	&nbsp;