
Muteahîd û şaredarê AKP’yî rê li ber karesatê vekirin 

2023-02-24 11:29:17


	&nbsp;

	DÎLOK - Xelkê navçeya Nûrdagiyê ku xesarek mezin ji erdhejê dîtine diyar dikin ku muteahîdên avahiyên hilweşiyane Yûnûs Kaya yê endamê Meclisa Şaredariya AKP’ê û Şaredarê Nûrdaghiyê Okkeş Kavak bi hev re avahiyan çêkirine û balê dikişînin ser têkiliya siyasî.&nbsp;

	&nbsp;

	Yek ji navçeyên ku erdhejê karesata hilweşandinê lê çêkir jî navçeya Nûrdagiyê ya Dîlokê ye. Ji sedî 80’ê navçeyê wêran bûye.&nbsp;

	&nbsp;

	Tîmên tespîta xesarê li navçeyê lêkolînên xwe didomînin û hat ragihandin ku li Dîlokê 104 hezar 824 avahî hatine lêkolînkirin û divê bi lezgînî bên hilweşandin. Hejmara avahiyên hilweşiyane jî 10 hezar û 777 avahî ne. Li navçeya Nûrdagiyê heta niha li ser 10 hezar 579 avahî xesar hatine tespîtkirin. Di encama lêkolînê de civê ku 4 hezar û 787 avahî bi lezgînî werin hilweşandin. Hema bêje li navçeyê avahiyek ku xesar nedîtibe nîne û avahiya şaredariyê jî veguheriye loda kavilan.&nbsp;

	&nbsp;

	AVAHIYÊN MUTEAHÎDÊ AKP’YÎ BÛN GORISTAN&nbsp;

	&nbsp;

	Gelek avahiyên hilweşiyane pir qatî û blokî ne. Gelek şêniyên navçeyê dibêjin ku avahiyên hilweşiyane piştî 2016’an hatine çêkirin. Li avahiyên Yûnûs Kaya, Avahiya CCK û Yaşam Konutlari hilweşiyane û nêzî 300 mirov jiyana xwe ji dest dane. Xwediyê van avahiyan ango muteahîdê wan Yûnûs Kaya ye û endamê Meclisa Şaredariya Nûrdaghiyê yê AKP’yî ye. Ev kes hem AKP’yî hem jî Serokê Desteya Rêveberiya Grupa CCK’ê ye ku avahiyan çêdikin. Her çiqas gelek muteahîd hatin binçavkirin û girtin jî lê heta niha Yûnûs Kaya yê AKP’yî di nav binçavkiriyan de cih negirt. Li ser nerazîbûna civakî di 20’ê sibatê de derbarê Kaya de biryara girtinê hat derxistin û duh bi şev li Mêrsînê dema hewl dida derkeve derveyî welat hat binçavkirin.&nbsp;

	&nbsp;

	XELK DIBÊJE BERPIRSIYAR ÎKTIDAR E&nbsp;

	&nbsp;

	Kaya yê ku di komîsyona îmarê ya Şaredariya Nûrdagiyê de cih digire, parvekirinên wî yên medya civakî û wêneyên wî li gel siyasetmedarên AKP’yî û MHP’yî têkiliya wî ya siyasî derxist holê. Xelkê navçeyê destnîşan dike ku îktidar jî ji van avahiyên ku Yûnûs Kaya çêkiriye û bûne gora bi sedan mirov berpirsiyar e.&nbsp;

	&nbsp;

	ŞAREDAR Û YÛNÛS KAYA ŞIRÎKATIYA HEV KIRINE&nbsp;

	&nbsp;

	Her wiha xelkê navçeyê diyar dike ku Serokê Şaredariya Nûrdagiyê yê AKP’yî Okkeş Kavak jî şirîkê Yûnûs Kaya bûye û şirîkatiya “CCK& Kavak Înşaat” kirine û bi hev re sîteyên luks çêkirine.&nbsp;

	&nbsp;

	ERAZIYÊ WELATIYAN FIROTINE&nbsp;

	&nbsp;

	Welatiyek nexwest navê xwe eşkere bike diyar kir ku eraziyê wî bi rêya Okkeş Kavak ji plana îmarê re vekirine û kirine eraziyê muşterek û hemû avahî û plana îmarê ne li gorî qanûnan hatine çêkirin. Welatî dibêje ku şaredar Okkeş Kavak eraziyê wî bi awayek bêrûhxset daye kesê bi navê Mûrat Cevher ku kesê 3’yemîn e.&nbsp;

	&nbsp;

	‘DEWLET BI VAN DIZANE’&nbsp;

	&nbsp;

	Welatî diyar kir ku Yûnûs Kaya yê AKP’yî u muteahîdiya avahiyan kiriye xwe veşartiye û got: “Yûnûs Kaya mafya ye. Li kî derê mal û milkek îcra bûbe hebe, li ku gunehek hebe dixapand û mal û milkê xelkê dixwar. Dewlet jî van dizane. Kesek bê wîjdan bû. Kesên li ber wan radibûn jî gefan lê dixwarin û tundiyê lê dikirin.”&nbsp;

	&nbsp;

	80 XIZMÊN WÎ JIYANA XWE JI DEST DANE&nbsp;

	&nbsp;

	Tûran Şahîn jî da zanîn ku ew sê sal û nîv di avahiya CCK’ê ya ku Yûnûs Kaya çêkiriye de rûniştiye û ew wek mucîze ji erdhejê rizgar bûye û li navçeyê 80 nasên wî jiyana xwe ji dest dane. Şahîn anî ziman ku mal û milkê wî hemû di bin avahiyê de mane û hem erdhejê hem jî Yûnûs Kaya yê AKP’yî wan mexdûr kiriye. Şahîn diyar kir ku piştî erdhejê her çiqas li muteahîdan geriyane jî xwe negihandine yekî jî. &nbsp;Şahîn got van muteahîdan piştî erdhejê hemûyan xwe veşartin û ew dizanin li pişt van muteahîdan hene. Şahîn anî ziman ku berpirsiyarê hilweşandina li navçeyê şaredarê AKP’yî û Yûnûs Kaya ye.&nbsp;

	&nbsp;

	MA / Îbrahîm Irmak

	&nbsp;