
Egîtîm Senê giliyê personelên saziyên cemaweriyê kir 

2023-02-24 13:04:09


	&nbsp;

	WAN - Egîtîm Sena Wanê giliyê personelên Şaredariya Rêya Armûşê û qeymeqamiyê kir ku alîkariya ji aliyê saziyên cemaweriyê ve hatiye komkirin û di bin pankarta Komeleya Alîkariya Sêwiyan Bike ku nêzî AKP’ê ye şandine kir.

	&nbsp;&nbsp;

	Şaredariya Rêya Armûşê û qeymeqamiya Rêya Armûşê ji bo mexdûrên erdhejê kampanya alîkariyê da destpêkirin. Alîkariya ku ji aliyê xelkê ve hat kirin di bin koordîneya Midûriyeta Alîkarî û Piştevaniyê ya Civakî ya Qeymeqamiya Rêya Armûşê de li Eywana Sporê ya Lîseya Ataturkê hat komkirin.

	&nbsp;

	Alîkarî li 7 TIR’an hat barkirin û li pêşiya TIR’an li şûna pankartên saziyên cemaweriyê pankarta Komeleya Alîkariya Sêwiyan Bike ku nêzî AKP’ê ye hatin daliqandin.&nbsp;

	&nbsp;

	Endamên vê komeleyê piştî pankarta wan bi pêşiya TIR’an ve hat daliqandin, diyar kirin ku alîkariyê dê bişînin herêmên erdhejê.&nbsp;

	&nbsp;

	LI SER MEDYA DÎJÎTAL BERTEK HAT NÎŞANDAN&nbsp;

	&nbsp;

	Welatiyan li ser medya dîjîtal bertek nîşan dan û diyar kirin ku alîkariya ji aliyê xelkê ve hatiye komkirin li ser navê tarikat û komeleyên nêzî AKP’ê dişînin herêmên erdhejê. Welatiyan diyar kir ku yên vê alîkariyê li ser navê van komeleyan û tarîkatan dişînin sûc dikin.&nbsp;

	&nbsp;

	GILIYÊ PERSONELAN HAT KIRIN&nbsp;

	&nbsp;

	Sendîkaya Kedkarên Perwerdehiyê û Zanistê (Egîtîm Sen) a Şaxa Wanê têkildarî mijarê serî li Serdozgeriya Komarê ya Wanê da û giliyê perseonelên şaredarî û qeymeqamiya Rêya Armûşê ku alîkarî di bin navê van komele û tarîkatan de şandine kir. Sendîkayê di daxwaznameya xwe gilîkirinê de diyar kirin ku van personelan “wezîfeya xwe xerab bikar anîne” û ji vê tawanbariyê derbarê wan personelan de lêpirsîn bê destpêkirin.&nbsp;

	&nbsp;

	&nbsp;