
Ahmet Bugrur ê ku bi mele re minaqeşe kir li nezaretxaneyê mirî hat dîtin  

2023-02-24 16:46:50


	&nbsp;

	AGIRÎ - Li Bazîdê Ahmet Bugrur ê ku bi meleyê mizgeftê re minaqeşe kir û bi vê hêcetê hat binçavkirin, li Midûriyeta Polîsan a Bazîdê mirî hat dîtin.&nbsp;

	&nbsp;

	Li navçeya Bazîdê ya Agiriyê duh serê sibê Ahmet Bugrur (37) ê bavê sê zarokan hat binçavkirin. Hat îdiakirin ku Bugrur li Midûriyeta Polîsan a Bazîdê di nezarete de hatiye binçavkirin. Li gorî agahiyên hatin bidestxistin, Bugrur duh serê sibehê li ber mizgeftekê bi meleyekî re gengeşiyê kir. Piştî nîqaşê Bugrur û meleyê navê wî nehat hînbûn, ji aliyê polîsan ve hatin binçavkirin û ew birin Midûriyeta Polîsan a Bazîdê. Hat îdiakirin ku Bugrur li emniyetê şîmaqek li mele xistiye û ji ber vê yekê wî xistine nezaretê.

	&nbsp;

	POLÎSAN AGAHÎ NEDAYE

	&nbsp;

	Birayê Bugrur, Resul Bugrur qala bûyerê kir û diyar kir ku polîsan agahî daye wî ku birayê wî xistine nezarete û ew demildest çûye qereqolê û tu agahî derbarê birayê wî de nedane. Bugrur anî ziman ku tîmên tenduristiyê jê re gotine heta ew çûne qereqolê birayê wî miriye.&nbsp;

	&nbsp;

	KESEK DIN JÎ LI NEZARETÊ BÛYE&nbsp;

	&nbsp;

	Resûl Bugrur da zanîn ku kesek din jî bi birayê wî re li heman nezaretê bûye û piştî bûyerê vî kesî ji nezaretê derxist û wî ji wir birine.&nbsp;

	&nbsp;

	SEDEMA MIRINÊ NEHAT DIYARKIRIN&nbsp;

	&nbsp;

	Cenazeyê Bugrur piştî lêkolîna cihê bûyerê ewilî rakirin Nexweşxaneya Dewletê ya Bazîdê û ji wir jî rakirin Nexweşxaneya Perwerdehiyê û Lêkolînê ya Agiriyê û di otopsiya pêşî de her çiqas hat diyarkirin ku di stûyê wî de reş û şîn bûye û ekomoz hene jî lê sedema mirina Bugrur nehat zanîn.&nbsp;

	&nbsp;

	NIMÛNE ŞANDIN TIBA EDLÎ&nbsp;

	&nbsp;

	Nimûneyên ku ji cenazeyên Bugrur hatin girtin ji bo mirina teqez diyar bibe şandin Serokatiya Grûba Tiba Edlî ya Amedê.&nbsp;

	&nbsp;

	CENAZE HAT VEŞARTIN&nbsp;

	&nbsp;

	Cenazeyê Bugrur duh bi şev li Goristana Taxa Koçkiran a Bazîdê hat veşartin.&nbsp;

	&nbsp;

	MALBATÊ GILÎ KIR&nbsp;

	&nbsp;

	Li aliyê din malbata Bugrur derbarê Midûriyeta Polîsan a Bazîdê de bi tawanbariya “xemsariyê” serî li Serdozgeriya Komarê ya Bazîdê da û gilî kir.&nbsp;

	&nbsp;

	&nbsp;