
Li Dêrazorê teqîn çêbû: 5 kes mirin 40 kes birîndar bûn 

2023-03-02 13:38:40


	&nbsp;

	NAVENDA NÛÇEYAN - Li çoltera rojavayê Dêrazorê di dema derbasbûna kamyonê de teqînek çêbû û 5 kesan jiyana xwe ji dest da û herî kêm 40 kes jî birîndar bûn.&nbsp;

	&nbsp;

	Li çoltera rojavayê Dêrazorê mayîneke ku ji çeteyên DAIŞ’ê mabû, di dema derbasbûna kamyonekê de teqiya. Li gorî nûçeyên di medyaya hikumeta Şamê de cih digirin 5 kesan jiyana xwe ji dest dan û herî kêm 40 kes jî birîndar bûn. Hate diyarkirin ku kesên di kamyonê de ji bo komkirina kîvarkan diçûn herêma Kebacib a başûrê rojavayê Dêrazorê.&nbsp;

	&nbsp;

	Saziya Çavdêriyê ya Mafên Mirovan a Sûriyeyê (SOHR) jî ragihand ku di teqînê de 8 kesan jiyana xwe ji dest dan û ji 35’an zêdetir kes jî birîndar bûne.&nbsp;

	&nbsp;

	Li gorî daneyên SOHR’ê ji destpêka salê û vir ve li Sûriyeyê ji ber mayînên ji ber şer mane 18’ê jê zarok 57 kesan jiyana xwe ji dest dane û 118 kes jî birîndar bûne.&nbsp;

	&nbsp;