
Kesên li Îzmîrê hatin binçavkirin hatin berdan  

2023-03-13 15:48:17


	&nbsp;

	ÎZMÎR - Endamên HDP û Meclisa Dayikên Aştiyê ku bi hinceta dirûşmên di pîrozbahiya Newrozê de hatibûn binçavkirin, hatin berdan.&nbsp;

	&nbsp;

	Rêveberê Partiya Demokratîk a Gelan (HDP) ê Îzmîrê Mahsun Koç, endamê Meclisa Partiyê ya HDP’ê Mehmet Sabrî Gul, endamên Meclisa Dayikên Aştiyê Sûltan Yagmekan, Hanîfe Gumuş, Hediye Korkut û Nufusa Ataç, endamên HDP’ê Famîle Ari, Elfedîn Kol, Gulîzar Dag, Ayten Gulmez, Zeynep Çelîk û ji xizmên girtiyan Fatma Surme di danê sibehê de li Îzmîrê hatibûn binçavkirin. Piştî kar û barên îfadegirtinê jî hatin berdan.&nbsp;

	&nbsp;

	Tê payîn ku endama HDP’ê Edîbe Sîncar, Întîzar Ozel û Selma Kudum jî piştî kar û barên îfadegirtinê bên berdan.&nbsp;

	&nbsp;

	Di 11’ê adarê de li pêşiya avahiya HDP’a Konakê ya li Çîmentepeyê pîrozbahiya Newrozê hatibû lidarxistin. Hat zanîn ku binçavkirî ji ber dirûşman bi îdiaya “Pesîndayîna sûc û sûcdar” hatine tawanbarkirin. Ji binçavkiriyan pirsa dirûşman hate kirin.&nbsp;

	&nbsp;