
Li Bakur û Rojhilatê Sûriyeyê û Şengalê lehî rabû 

2023-03-15 20:00:10


	&nbsp;

	NAVENDA NÛÇEYAN - Li Bakur û Rojhilatê Sûriyeyê û Şengalê lehî rabû. Gelek dikan û xanî di bin avê de man.

	&nbsp;

	Îro danê nîvro li Şengalê zêde baran bariya. Bi baranê re lehî rabû. Ji ber lehiyê gelek xanî û dikan di bin avê de man.&nbsp;

	&nbsp;

	BAKUR Û ROJHILATÊ SÛRIYEYÊ&nbsp;

	&nbsp;

	Ji ber barîna zêde ya baranê li Bakur û Rojhilatê Sûriyeyê, lehî rabû. Di lehiyê de pira El Şahir hilweşiya û rêya di navbera Reqa û Dêrazorê de bû du şeq.&nbsp;

	&nbsp;

	Pira El Şahir 35 kîlometera ji navenda bajêr dûr e. Di navbera bajarokên El Cidîdat û El Ehwes ên herêma El Keramê ya rojhilatê Reqayê de ye û li ser rêya di navbera Reqa û Dêrazorê de ye.

	&nbsp;

	Şaredariyên Gel ên bajarokên Cedîdat û El Ehwesê hewl didin ku bi lez tevdîran bigirin da ku rêyeke din peyda bikin heta ku pir bê sererastkirin.&nbsp;