
Li Îdirê gel li qada Newrozê ne

2023-03-19 11:10:40


	&nbsp;

	ÎDIR - Li Îdirê gelên kurd, tirk, terekeme û azerî ji bo pîrozbahiyên Newrozê li qadê kom bûn.&nbsp;

	&nbsp;

	Ji bo Newroza Îdirê ya her sal nasnameyên weke kurd, tirk, terekeme û azerî tîne bahev, ketina qada Newrozê dest pê kir. Duh bi şev Qada Kiliçlar ku Newroz dê lê were pîrozkirin bi alên TJA, DBP, HDP û Partiya Çep a Kesk hatin xemilandin. Bi kurdî, tirkî û Ingilîzî pankartên “Her der Newroz, her dem azadî” , “Dem dema jin jiyan azadiyê ye” û “Bi agirê Newrozê ber bi azadiyê ve” hatin daliqandin.&nbsp;

	&nbsp;

	Jinan îsal jî dîsa bi cil û bergên xwe yên kesk, sor û zer û bi kofiyên xwe yên rengîn li qada Newrozê cihê xwe girtin. Tevlibûna zêde ya ciwanan jî bal kişand ser xwe.&nbsp;

	&nbsp;

	BERNAME&nbsp;

	&nbsp;

	Axaftina destpêkê ya bernameya Newrozê wê Hevserokê DBP’ê yê Bajêr Mehmet Sekman bike. Pişt re Hevseroka Partiya Çep a Kesk Bahar Etrecî, endama MYK’a DBP’ê Aynûr Sarica, Parlamenterê HDP’ê yê Îdir Habîp Eksîk û parlamentera HDP’ê ya Stenbolê Oya Ersoy dê biaxive.&nbsp;

	&nbsp;

	Piştî axaftinan wê bernameya Newrozê bi gotina stranan a hunermend Hediye Kalkan bi dawî bibe.&nbsp;

	&nbsp;