
Li Qada Yenîkapiyê coşa Newrozê 

2023-03-19 13:01:29


	STENBOL - Tevî barana zêde jî Newroza li Qada Yenîkapi ya Stenbolê bi coşeke mezin didome. Xelkê Stenbolê ku qada Newrozê tije kiriye, azadiya Rêberê PKK’ê Abdullah Ocalan diqîre.&nbsp;

	Yek ji navnîşanên Newroza 2023’yan ku bi dirûşmên “Her der Newroz, her dem azadî” û “Bi agirê Newrozê ber bi azadiyê ve” tê pîrozkirin, Qada Yenîkapi ya Stenbolê ye. Newroz, diyarî qurbaniyên herdheja Mereşê hate kirin. Heverdevka Kongreya Demokratîk a Gelan (HDK) Esengul Demîr, Hevseroka Giştî ya Partiya Demokratîk a Gelan (HDP) Pervîn Buldan, Hevberdevkê Partiya Çep a Kesk Îbrahîm Akin, Serokê Giştî yê Partiya Kedê (EMEP) Ercument Akdenîz, rêveberê Federasyona Komeleyên Piştgirî û Piştevaniya bi Malbatên Girtî û Hikûmxwaran re (TUAD-FED) Salîh Tekîn, parlamenter, nûnerên partiyên siyasî û rêxistinên civaka sivîl jî tev li pîrozbahiyê bûn.&nbsp;

	&nbsp;

	JI BO ABDULLAH OCALAN DAXWAZA AZADIYÊ

	&nbsp;

	Tevî barana zêde jî bi hezaran kesan ji saetên serê sibehê ve berê xwe dan qada Newrozê. Welatiyan, hêrsa xwe ya li dijî pergala tecrîdê ya li Îmraliyê û xemsariya îktîdarê ya di erdheja Mereşê de veguhestin Qada Yenîkapiyê. Li gel ku Midûriyeta Emniyetê ya Stenbolê li Metroya Marmarayê astengî derxistin jî, ciwan û jinan noqteyên lêgerînê derbas kirin û xwe gihandin qadê. Jin û ciwana bi dirûşmên “Bijî Serok Apo” û “Bê Serok jiyan nabe” daxwaza azadiya fîzîkî ya Rêberê PKK’ê Abdullah Ocalan kirin.&nbsp;

	&nbsp;

	KORTEJA NEWROZÊ: DÊ BIHAR DÎSA WERE

	&nbsp;

	Herikîna ber bi qadê ve didome. Partiya Karkeran a Tirkiyeyê (TÎP), Partiya Tevgera Kedkar (EHP), Platforma Çîna Şoreşger a Serbixwe (BDSP), Partiya Şoreşger û Halk-Der li pêşiya Metroya Marmarayê kom bûn. Koma ku li pêşiya deriyê Marmarayê kom bû, dovîzên “Dem dema serkeftinê ye” û “Em soz didin we ku dê bihar dîsa were” vekirin û weke kortejê meşiyan û ketin qada Newrozê.&nbsp;

	&nbsp;

	BI DIRÎŞMÊN JIN JIYAN AZADÎ HERIKÎN QADÊ

	&nbsp;

	Jinên ku flamayên Tevgera Jinên Azad (TJA) hilgirtin, hêrsa xwe ya di 8’ê Adarê de veguhestin qada Newrozê. Jinên ku cil û bergên kurdî li xwe kirin, ji deriyê Aksaray ê Marmarayê ber bi qada Newrozê ve ketin rê. Jinên ku flamayên bi rengên kesk, sor û zer hilgirtin, bi dirûşma “Jin, jiyan, azadî” herikîn qadê. Jinên ku di korteja duyemîn de, bi pankarta “Rizgariya jinan hewcehî bi şoreşê dike , ya din tenê xeyaleke vala ye” ketin qada Newrozê.&nbsp;

	&nbsp;

	CIL Û BERGÊN KURDÎ QEDEXE NAS NEKIRIN

	&nbsp;

	Midûriyeta Emniyetê ya Stenbolê bi taybet jî hewl da ciwanan asteng bike. Li gelek deveran cil û bergên kurdî yên li ser ciwan û zarokan derxistin. Ciwanên ku polîsan hewl dan nehêlin bi cil û bergên kurdî bikevin qada pîrozbahiyê, bi dirûşman barîqet derbas kirin û ketin qadê. Ciwan, bi dirûşma “Bijî Serok Apo” ketin qadê. Di heman demê de ciwana li qadê dirûşmên “Bê Serok jiyan nabe” û “Newroz serhildan e” berz kirin.&nbsp;

	&nbsp;

	LI QADÊ DIRÛŞM OLAN DIDIN

	&nbsp;

	Li qadê alayên HDK, Partiya Çep a Kesk, DBP, TJA, HDP, Hêzên Têkoşîna Yekbûyî (BMG), Federasyona Meclisên Sosyalîst (SMF), TÎP, Partîzan, Yekitiya Xwendekarên Şoreşger (DOB) û posterê Denîz Gezmîş hatin libakirin. Di heman demê de ciwanan alayên Amdesporê li ba kirin û berstûhkên Amedsporê li xwe kirin. Meclisên Ciwanan ên HDP û Partiya Çep a Kesk bi pankarta “Yeşîlî bieciqîne, netewê biparêze” vekirin û bi vê yekê re peyama piştevaniyê dan Amedsporê.&nbsp;

	&nbsp;

	‘NE ERDHEJÊ LÊ PERGALÊ KUŞT’

	&nbsp;

	EMEP’ê jî pankarta “Bijî Newroz! Newroz Pîroz Be!” vekir û bi dirûşmên “Ne erdhejê pergal dikuje”, “ “Newroz pîroz be” û “Bijî biratiya gelan” meş li dar xist. Rêxistinên ked û pîşeyê bi dirûşmên “Bijî berxwedana zindanan " û "Bê Serok jiyan nabe" ji deriyê Marmarayê ketin qada Newrozê. Koma Barîkatê ya Amedsporê jî bi dirûşmên “Newroz pîroz be”, &nbsp;“Amedspor gel e, gel li vir e” û “Barîkat &nbsp;li vê derê ye, li ser pêya ne” berz kir û ber bi qada Newrozê ve meşiya.&nbsp;

	&nbsp;

	Meşa gel a Qada Yenîkapiyê berdewam dike û girse gelek caran dirûşmên “Ji bo Serok azadî”, “Kurdistan dê ji faşîzmê re bibe goristan”, “Bijî Serok Apo”, “Hikûmet îstîfa bike” û “Bimre AKP” berz dike.&nbsp;

	&nbsp;

	Li pîrozbahiya Newrozê strana Hesen Zîrek a bi navê “Newroz” û strana Koma Gulên Xerzan a “Sonda me” tê vekirin û gel li benda destpêkirina bernameya Newrozê ye.&nbsp;

	&nbsp;