
Bi hezaran kes li Qereyaziyê diherike qada Newrozê 

2023-03-20 11:06:59


	ERZIROM - Ji bo vêxistina agirê Newrozê bi hezaran kes li Qereyaziyê li pêşiya avahiya rêxistina HDP’ê kom dibe.&nbsp;

	&nbsp;

	Agirê Newrozê yê navçeya Qereyazi ya Erziromê dê li qada vala ya li pêşiya rêxistina Partiya Demokratîk a Gelan (HDP) a navçeyê bê vêxistin. Qada pîrozbahiyê bi alayên HDP û Partiya Çep a Kesk hatiye xemilandin. Tevî barîna berfê û hewayê sar jî bi sedan kes diherikin qada Newrozê. Li ketina qada Newrozê noqteyeke lêgerînê hatiye danîn û welatî bi flamayên kesk, sor û zer dikevin qadê. Eleqeyeke mezin a jin û ciwanan bo pîrozbahiyê heye.&nbsp;

	&nbsp;

	Bernameya pîrozbahiyê dê bi axaftinên hevserokên rêxistinêna HDP’ê ya bajar û navçeyan dest pê bike. Piştre jî dê Parlamenterê HDP’ê yê Rihayê Omer Ocalan biaxive. Hunermend Kadîr Çat û dengbêjên herêmê dê derkevin ser dikê. Tê payîn ku agirê Newrozê ji hêla bavê Hakan Arslan, Alî Riza Arslan vê bê vêxistin ku di salên 2015-2016’an de li Sûr a Amedê jiyana xwe ji dest dabû û cenazeyê wî 7 sal piştre di tûrikekî de hatibû radestkirin.&nbsp;

	&nbsp;