
Li Amed, Dêrsim û Hatayê xebatên hilbijartinê: 15’ê Gulanê wê kurd hilatina rojê pêşwazî bikin  

2023-04-14 16:28:47


	&nbsp;

	NAVENDA NÛÇEYAN - Namzetên parlamenteriyê yên Partiya Çepên Kesk xebatên xwe dewam dikin û li Dêrsimê büro hilbijartinê vekirin, li Hatayê serdana mexdûrên erdhejê kirin û li navçeyên Pîran û Hênê yên Amedê jî hevdîtinên gel pêk anîn.&nbsp;

	&nbsp;

	Namzetên parlamenteriyê yên Partiya Çepên Kesk lez dane xebatên xwe yên hilbijartinê.

	&nbsp;

	Partiya Çepên Kesk li Dêrsimê bi beşdariya namzeta xwe Ayten Kondû û beşdariya gelek kesan buroya hilbijartinê vekir.&nbsp;

	&nbsp;

	Rêveberê EMEP’ê yê Dêrsimê Mustafa Taşkale û namzeta parlamenteriyê ya Partiya Çepên Kesk a Xarpêtê Nûrşat Yeşîl axivîn û destnîşan kirin ku ew ê di 15’ê Gulanê de bi serkeftinek mezin şiyar bibin.&nbsp;

	&nbsp;

	Namzeta Dêrsimê Ayten Kondû jî anî ziman ku ew di têkoşîna xwe de bi biryar in û ew ê bi hev re bi ser bikevin.&nbsp;

	&nbsp;

	Piştî axaftina buro hat vekirin û govend gerandin.&nbsp;

	&nbsp;

	HATAY&nbsp;

	&nbsp;

	Partiya Çepên Kesk a Hatayê jî li bajêr xebatên xwe hilbijartinê didomîne. Rêveberên partiyê li taxa Harbiye ya navçeya Defneyê serdana gel kir. Namzetên parlamenteriyê yên Partiya Çepên Kesk ên Hatayê û rêveberên HDP, DBP, ESP, SYKP û SODAP’ê tev li serdanê bûn.&nbsp;

	&nbsp;

	Şande piştî taxa Harbiye jî serdana taxa Karyer kir. Namzetê Partiya Çepên Kesk ê Hatayê Kerem Nalbant axivî û destnîşan kir ku 14’ê Gulanê roja hesabxwestinê ye.&nbsp;

	&nbsp;

	AMED

	&nbsp;

	Namzetên parlamenteriyê yên Partiya Çepên Kesk ên Amedê jî li gel rêveberên HDP’ê û partiya xwe serdana navçeyên Pîranê û Hênê yên Amedê kirin û bi gel re hatin cem hev. Şandeyê li Hênê serdana dikandaran kir û li rewşa wan pirsîn.&nbsp;

	&nbsp;

	Şande piştre derbasî navçeya Pîranê bû. Xelkê bi coş û peroşek zêde pêşwaziya şandeyê kir. Şande li navçeyê tev li vekirina buroya hilbijartinê bû.&nbsp;

	&nbsp;

	‘EM Ê DI 15’Ê GULANÊ DE ROJÊ SILAV BIKIN’&nbsp;

	&nbsp;

	Hevseroka HDP’a Amedê Gulistan Atasoy di vekirina buroyê de axivî û destnîşan kir ku roja hilbijartinê roja hesabxwestinê ye û got: “Em ê di 15’ê Gulanê de em ê xweşikiya rojê pêşwazî û silav bikin û govenda azadiyê bigerînin.”&nbsp;

	&nbsp;

	Namzetê Partiya Çepên Kesk ê Amedê Mehmet Kamaç jî da zanîn ku ev pergal tevî hemû êrişan jî nikare serê gelê kurd bitewîne û got: “Ev hilbijartin ji bo kurdan gelek girîng e. Qeyûman tayînî ser îradeya me dikin û siyasetmedarên me digirin. Gelê kurd, nasname, çanda xwe di bin tecrîdê de ne. 15’ê Gulanê ji bo kurdan wê bibe rojek nû.”&nbsp;

	&nbsp;

	Piştî axaftinan dayikên aştiyê û namzetan li gel hev buroyê vekir. Vekirina buroyê bi govend û şahiyê bi dawî bû.&nbsp;

	&nbsp;