
Li Erxenî û Gêlê li ber def û zirneyê vekirina buroya hilbijartinê 

2023-04-14 19:53:22


	&nbsp;

	AMED- Partiya Çepên Kesk, li Erxenî û Gêlê buroyên hilbijartinê vekirin. Di dema vekirina buroyan de li ber def û zirneyê govend hat gerandin.&nbsp;

	&nbsp;

	Partiya Çepên Kesk, di çarçoveya xebatên hilbijartinê de li navçeyên Amedê Erxenî Gêlê buroyên hilbijartinê vekirin. Namzeên bajêr Ceylan Akça, Adalet Kaya, Sevîlay Çelenk, Mehmet Emîn Aktar û Cengîz Çandar û Hevserokê Partiya Demokratîk a Gelan (HDP) Zeyyat Ceylan jî di nav de şande ewilî li navçeya Gêlê buroya hilbijartinê vekir.&nbsp;

	&nbsp;

	Namzeta Parlementeriyê ya Amedê ya Partiya Çepên Kesk Ceylan Akça di dema vekirina buroya hilbijartinê ya Gêlê de axivî. Akçayê destnîşan kir ku ew jin dê derî bi derî bigerin û biçin ser sindoqan û xwedî li dengên xwe derkevin û got: "Jin jiyan e, dîsa em, dîsa em."&nbsp;

	&nbsp;

	Piştî vekirina buroyê girse dirûşmeya "jin, jiyan, azadî" berz kir.

	&nbsp;

	Şande paşê çû navçeya Erxeniyê. Şande li Erxeniyê bi def û zirne û bi tilîliyan hat pêşwazîkirin. Karwana bi şandeyê re hevrêtî kir heya Taxa Yenîşehîrê hat. Dema karwan di rê de bû jin, dikandar, zarok û ciwanan ew bi çepik, tilîlî û nîşana serketinê silav kir. Girseya ku li ber buroya hilbijartinê karwanê pêşwazî kir, dirûşmeya "Jin, jiyan, azadî" berz kir.&nbsp;

	&nbsp;

	Hevserokê HDP'a Amedê Zeyyat Ceylan ku di vekirina buroya hilbijartinê ya Erxeniyê de axivî, bal kişand ser tecrîda li ser Rêberê PKK'ê Abdullah Ocalan û got: "Tecrîd li çar aliyên Kurdistanê belav bûye. Ev tecrîd bûye bela serê civakê. Lewma divê gava ewil şikandina tecrîdê be. Siyaseta demokratîk dê vê tecrîdê bişikîne. Em ê di vê hilbijartinê de keleha zilmê ya AKP-MHP'ê birûxînin."&nbsp;

	&nbsp;

	Piştî vekirina buroyê şande tevî girseyê heya Taxa Bagurê meşiya. Di meşê de tim dirûşmeyên "Bijî Serok Apo", "Jin, jiyan, azadî" hatin berzkirin.&nbsp;

	&nbsp;

	Çalakî bi govendgerandinê bi dawî bû.

	&nbsp;