
Odeyên bijîşkan bûn mêvanê fitariya malbata Şenyaşarê 

2023-04-15 21:33:07


	&nbsp;

	RIHA- Odeyên bijîşkan bûn mêvanê sifreya fitariyê ya malbata Şenyaşarê ya li ber Edliyeya Rihayê. Ferît Şenyaşar got: "Em ê bi piştevaniyê edaletê bînin Rihayê û tevahiay Tirkiyeyê."&nbsp;

	&nbsp;

	Xizm û parazvanên Parlamenterê AKP’ê yê Rihayê Îbrahîm Halîl Yildiz di 14’ê Hezîrana 2018’an de li navçeya Pirsûs a Rihayê êrîşî malbata Şenyaşarê kir. Di encama êrîşê de hevjîn û du kurên Emîne Şenyaşarê hatin qetilkirin. Li ser vê yekê Emîne Şenyaşar û kurê wê Ferît Şenyaşar di 9’ê adara 2021’ê de li pêşiya Edliyeya Rihayê dest bi çalakiya Nobeta Edaletê kirin. Çalakiya Malbata Şenyaşarê di roja 754’yan de berdewam dike.

	&nbsp;

	Malbata ku li ber pankarta "Ji malbata Şenyaşar re edalet" nobetê digre, bi boneya meha Remezanê li vir jî difitire.

	&nbsp;

	Îro odeyên bijîşkan ên herêmê yên girêdayî Yekîtiya Bijîşkên Tirk (TTB) bûn mêvanê sifreya fitariya malbata Şenyaşarê.&nbsp;

	&nbsp;

	Beriya Fitariyê Serokê Odeya Bijîşkan a Rihayê Bûlût Ezer axivî. Ezer anî ziman ku heya daxwaza edaletê ya malbata şenyaşarê pêk neyê, ew ê li cem malbatê bin.&nbsp;

	&nbsp;

	Ferît Şenyaşar jî got: "Em ê bi piştevaniyê edaletê bînin Rihayê û tevahiay Tirkiyeyê."&nbsp;

	&nbsp;

	&nbsp;