
Li Alanyayê êrişî otobûsa Êlihê kirin: 3 kes birîndar bûn

2023-04-23 08:45:58


	&nbsp;

	ANTALYA - Li Alanyayê komekê êrişî otobûsa rêwiyan a aydê firmaya Êlihê kirin. Di êrişê de 3 kes birîndar bûn.&nbsp;

	&nbsp;

	Li navçeya Alanya ya Antalyayê dema otobûseke aydê firmaya Ozlem Batmanê di rê de diçû, ji aliyê komekê ve hate sekinandin û rastî êrişê hat. Li gorî agahiyên hatin bidestxistin nîqaşa li tesîseke ser rê bi xwediyên kargehê hate kirin, bi pêşî girtina otobûsê berdewam kir. Di êrişê de ajokarê otobûsê mûavîn û rêwiyek hatin derbkirin û birîndarkirin. Birîndar rakirin nexweşxaneyê, hate diyarkirin ku êrişkar bi wesayîta ku hatin cihê bûyerê reviyane.&nbsp;

	&nbsp;

	OTOBÛSA BI RÊ KET

	&nbsp;

	Di dîmenên ku rêwiyan bi telefonê kişandin de tê dîtin ku ajokarê otobûsê û mûavînê wê birîndar in. Hate ragihandin ku piştî mudaxileya ewil a li nexweşxaneyê hate kirin otobûs ber bi Êlihê ve bi rê ket.&nbsp;

	&nbsp;

	RÊWÎ VEGOT

	&nbsp;

	Yek ji rêwiyên em bi telefonê pê re axivîn, Mûrat D. anî ziman ku otobûs du caran rastî êrişê hatiye, di êrişan de ajokarê otobûsê, mûavînê wê û rêwiyekî ku kete navberê birîndar bûne. Mûrat D. diyar kir ku êriş organîzekirî bû û polîsên hatin cihê bûyerê mudaxileyî êrişkaran nekiriye. Mûrat D. anî ziman ku di dema êrişê de heqaret li wan hatiye kirin û piştî tedawiya birîndaran ber bi Êlihê ve bi rê ketine.

	&nbsp;

	&nbsp;