
Malbata Şenyaşar: Heta ku edalet neyê, aştî û aramî jî nayê  

2023-04-29 13:38:32


	&nbsp;

	RIHA - Malbata Şenyaşar di çalakiya Nobeta Edaletê de wiha got: “Heta ku edalet neyê, aştî û aramî jî nayê.”&nbsp;

	&nbsp;

	Xizm û parazvanên Parlamenterê AKP’ê yê Rihayê Îbrahîm Halîl Yildiz di 14’ê Hezîrana 2018’an de li navçeya Pirsûs a Rihayê êrişî Malbata Şenyaşar kiribûn. Di encama êrişê de hevjînê Emîne Şenyaşarê û du kurên wê hatibûn qetilkirin. Li ser vê yekê Emîne Şenyaşar û kurê wê Ferît Şenyaşar di 9’ê Adara 2021’ê de li pêşiya Edliyeya Rihayê dest bi çalakiya Nobeta Edaletê kiribûn. Çalakiya Malbata Şenyaşar di roja 768’an de berdewam kir.&nbsp;

	&nbsp;

	Ji ber ku di dawiya hefteyê de edliye girtî ye, Emîne Şenyaşar nobet li mala xwe ya li Pirsûsê domand û Ferît Şenyaşar jî ji bo xebatên hilbijartinê daket kolanan.&nbsp;

	&nbsp;

	Malbatê, li ser hesaba xwe ya medyaya dijîtal ev peyam parve kir: “Dijberiya edaletê ne bêedaletî lê zilm e. Hêvî û daxwaza ewil û lezgîn a civakê ya ji serdema nû jî edalet e. Heta ku edalet neyê, aştî û aramî jî nayê.”&nbsp;

	&nbsp;