
Hat xwestin ku kujerê Ûytûn were cezakirin  

2023-05-02 16:42:55


	ŞIRNEX - Di doza têkildarî Mehmet Ûytûn ê 18 mehî ku bi bombeya gazê hatibû kuştin hat lidarxistin. Dozger xwest ku kujerê Ûytûn were cezakirin.&nbsp;

	&nbsp;

	Li navçeya Cizîrê ya Şirnexê Mehmet Uytun ê 18 mehî ku di hembêza dayika xwe de bû bi fişeka gazê ya çawişê pispor H.A. avêtibû bi serê wî ketibû û jiyana xwe ji dest dabû. Derbarê faîl H.A de ji tawanbariya “bûye sedemê kuştina biqestî” doz hat vekirin. Danişîna duyemîn a dozê li 1’emîn Dadgeha Cezayê Asliye ya Cizîrê hat lidarxistin.&nbsp;

	&nbsp;

	Malbata Ûytûn, parêzerên wî û Serokê ÎHD’a Amedê Abdullah Zeytûn tev li danişînê bûn. Parêzerê bersûc jî bi SEGBÎS’ê beşdar bû.&nbsp;

	&nbsp;

	Rapora li dosyeyê hatibû zêdekirin hat xwendin û piştre parêzerên malbatê axivîn. Parêzer Abdullah Zeytûn xwest ku dosyeya dozê ji bo Dadgeha Cezayê Giran were veguheztin.&nbsp;

	&nbsp;

	Parêzer Yakûp Guven jî da zanîn ku ew dixwazin bersûc ji sûcê “kuştina bi qestî” were darizandin û xwest dosye bo dadgeha cezayê giran were şandin û bersûc bê cezakirin.&nbsp;

	&nbsp;

	Dozger xwest bersûc were cezakirin. Parêzer Zeytûn da zanîn ku ew mutalaya dozger qebûl nakin û li dijî mutalayê dema zêde xwest. Dadger xwesteka demê ya parêzeran qebûl kir û danişînê taloqî 11’ê gulanê kir.&nbsp;

	&nbsp;

	&nbsp;