
Rojnamevan Yilmaz û Muftuoglû hatin girtin: Wê pergala rêbiran hilweşe  

2023-05-03 07:55:34


	ENQERE - &nbsp;Rojnamevan Sedat Yilmaz û Dîcle Muftuoglû hatin girtin. Yilmaz wiha bertek nîşanî biryara girtinê da: “Pergala rêbir hildiweşe, hilweşiya.”

	&nbsp;

	Di çarçoveya Serdozgeriya Komarê ya Enqereyê de li 15 bajaran operasyon hatibû lidarxistin. Di serdegirtinên malan de 19 kes hatibûn binçavkirin. Hevseroka Komeleya Rojnamevanan a Dîcle Firatê (DFG) û edîtora Ajansa Mezopotamya (MA) Dîcle Muftuoglû û edîtorê MA’yê Sedat Yilmaz jî di nav binçavkiriyan de bûn. Fîlîz Yilmaz piştî îfadeyên li dozgeriyê hat berdan. 15 kes bi daxwaza girtinê û 3 kes jî bi şertê kontrola edlî sewqî Dadgeriya Cezayê Sulhê ya Nobedar hatin kirin.&nbsp;

	&nbsp;

	5 KES HATIN GIRTIN&nbsp;

	&nbsp;

	Dadgeriyê derbarê rojnamevan Sedat Yilmaz û Dîcle Muftuoglû, Erol Balci Abdurrahîm Tanyerî û Ramazan Debe de biryara birgirtinê da. Hevjîna Sedat Yilmaz, Selma Yilmaz, Cahît Kanbay, &nbsp;Cîhan Guneş, Îsamîl Adanmiş, Cahît Ablay, Mahmut Dogû, Devran Ak, Şemsettîn Toprak, Mehmet Emîn Yildirim, Cevdet Îsmaîlogûllari, Hasan Ozhan, Evîn Ozbek û Sûat Karagoz bi şertê kontrola edlî ya îmze û qedexeya derketina derveyî welat hatin berdan.&nbsp;

	&nbsp;

	‘PERGALA RÊBIR 10 ROJ ŞÛNVE DIQEDE’&nbsp;

	&nbsp;

	Rojnamevan Sedat Yilmaz li korîdora edliyeyê bertek nîşanî biryara girtinê da û wiha got: “Pergala rêbir wê 10 roj şûn ve biqede, li ber hilweşandinê ye.”&nbsp;

	&nbsp;