
Êrişkarê nîjadperest ê muzîkjen Aymaz qetil kirî hate girtin   

2023-05-04 11:23:23


	&nbsp;

	STENBOL - Muzîkjenê kolanê Cîhan Aymaz, bi sedema ku strana “Ez bimrim Tirkiye” negot, ji hêla êrişkarê nîjadperest Mehmet Caymaz ve hate qetilkirin. Caymaz, bi sedema “Kuştina biqesdî” hate girtin.&nbsp;

	&nbsp;

	Muzîkjenê kolanê Cîhan Aymaz li Rihtim a navçeya Kadikoy a Stenbolê dema stranên xwe pêşkeş dikir, Mehmet Caymaz ê nîjadperest jê xwest ku strana “Ez bimrim Tirkiye” bibêje. Aymaz jî ev daxwaz red kir û rastî êrişa bi kêran a Caymaz hat. Di encama êrişê de Aymaz jiyana xwe ji dest da. Êrişkarê nîjadperest Caymaz jî ji hêla polîsan ve hate binçavkirin û birin Qereqola Rihtim a Kadikoyê. Piştî kar û barên îfadegirtinê jî sewqî Edliyeya Anadoluyê ya li Kartalê hate kirin.&nbsp;

	&nbsp;

	Êrişkar Caymaz, di îfadeya xwe ya li dozgeriyê de îdia kir ku ji Aymaz xwestiye ku stranekê berdê lê Aymaz û kesên pê re ev daxwaz red kiriye. Êrişkarê nîjadperest Caymaz bi daxwaza girtinê sewqî Dadgeriya Cezayên Sulhê hate kirin û bi sedema “Kuştina biqesdî” hate girtin.&nbsp;

	&nbsp;