
Doza êrişa çekdarî ya li dijî HDP’ê hate taloqkirin 

2023-05-04 14:35:35


	&nbsp;

	MÛGLA - Danişîna ewil a êrişa çekdarî ya li dijî Rêxistina HDP’a Marmarîsê bi hinceta ku bersûc “tedawiyê dibîne” hate taloqkirin.&nbsp;

	&nbsp;

	Kesê bi navê Adnan Temel Denîzlî, di 14’ê tîrmeha sala 2021’an de bi çekan êrişî avahiya rêxistina Partiya Demokratîk a Gelan (HDP) a navçeya Marmarîs a Mûglayê kir. Yekemîn danişîna dozê li 2’yemîn Dadgeha Cezayên Giştî hate lidarxistin. Bersûcê girtî Denîzlî ku ji ber "Ziyandayîna avahî, tesîs yan jî amûrên partiyeke siyasî yan jî saziyeke pîşeyî” &nbsp;û “Binpêkirina parêzbendiya kargehê” tê darizandin, tev li danişînê nebû. Rêveberên HDP’ê û Partiyên Çepên Kesk di danişînê de amade bûn.&nbsp;

	&nbsp;

	'ÊRIŞ BI ZANEBÛN HATIYE KIRIN’

	&nbsp;

	Parêzerên HDP’ê xwestin ku Denîzlî bînin danişînê ku li beşa psîkiyatrî ya Nexweşxaneya Bajar a Fethî Sekîn a Xarpêtê tê tedawîkirin. Parêzer Fusun Unlusoy bi bîr xist ku wê demê li dijî avahiya HDP’ê êrişa duyemîn hatibû kirin û ev êriş bi awayekî rêxistinkirî û bizanebûn hatine kirin. Unlusoy, diyar kir ku tenduristiya ruh a bersûc baş e û xwest ku wî bi xwe bînin danişînê.&nbsp;

	&nbsp;

	Dadgehê, biryar da ku bersûc bi rêya Pergala Deng û Dîmen (SEGBÎS) tev li danişînê were kirin û danişîn taloqî 26’ê cotmehê kir.&nbsp;

	&nbsp;