
Beriya mitînga Erdogan tevahiya Wanê hat dorpêçkirin  

2023-05-05 11:53:59


	&nbsp;

	WAN - Beriya mitînga Serokkomarê AKP’yî Erdogan tevahiya kolan û cadeyên Wanê ji aliyê polîsan ve hatine dorpêçkirin. Ji bîlboardan afîşên partiyên din hatin rakirin û wêneyên Erdogan lê hatin daliqandin.&nbsp;

	&nbsp;

	Îro li Wanê mitînga Serokkomarê AKP’yî Tayyîp Erdogan li Wanê tê lidarxistin. Beriya Erdogan bê Wanê tevahiya bajêr ji aliyê polîsan ve hat dorpêçkirin. Polîs û maşîneyên zirxî li hemû kolan û cadeyên bajêr hatine bicihkirin û girtin. Ji duh êvarê ve afîşên partiyên siyasî yên li ser bîlboardan hatin rakirin û li şûna wan wêneyên Erdogan û afîşên AKP’ê lê hatin bicihkirin. Her wiha li ser rêgeha konvoya Erdogan, al û flamayên partiyên din hatin rakirin û alên AKP’ê hatin dliqandin.

	&nbsp;

	POSTERÊN ERDOGAN BI DIBISTANAN VE HATIN DANÎN&nbsp;

	&nbsp;

	Rêxistina AKP’a Wanê li gelek dibistan û saziyên dewletê jî posterên Erdogan daliqand. Ji bo mitînga Erdogan qelebalix derbas bibe tevahiyê saziyên dewletê seferber bûne û hewl didin bi darê zorê karmandan tev li mitîngê bikin. Ji gundan jî cerdevanan ji serê sibehê ve tînin bajêr û ji gelek bajarên din jî bi dolmûş û otobusan xelkê tînin Wanê.&nbsp;

	&nbsp;

	X-RAY DANÎN SER CADEYÊ&nbsp;

	&nbsp;

	Makîneyek mezin a X-Ray danîne ber Bazara Gel a Mezin. Dikandar di vê X-Rayê re derbas bûn û çûn ser karên xwe.&nbsp;

	&nbsp;

	CADE HATIN ŞÛŞTIN&nbsp;

	&nbsp;

	Şaredariya Bajarê Mezin a Wanê rêgeha ku dê Erdogan têde derbas bibe şûşt. Her wiha hemû qutiyên çopê yên li bajêr hatin rakirin.&nbsp;

	&nbsp;

	Qeyûm di sala 2018’an de ji bo Erdogan qada mitîngê bi ava gulan şûştibû.&nbsp;

	&nbsp;