
Li warê Mem û Zînê mitîng: Heta Ocalan azad bibe têkoşîn

2023-05-09 15:04:57


	ŞIRNEX -&nbsp;Partiya Çepên Kesk li navçeya Cizîrê mitînga hilbijartinê li dar xist û bi hezaran kes tev li bûn. Namzet Newroz Ûysal got heta Rêberê PKK'ê Abdullah Ocalan azad bibe dê têbikoşin.&nbsp;

	&nbsp;

	Partiya Çepên Kesk li warê Mem û Zînê li ber xuşe xuşa ava Çemê Dîcleyê li navçeya Cizîra Botan mitînga hilbijartinê li dar xist. Mitîng li Qada Newrozê tê lidarxistin û qad bi alên partiyê hat xemilandin. Bi hezaran kes hatin qada mitîngê. Ji navenda Şirnexê û navçeyên û ji gundan beşdariyek zêde hebû. Jinên Cizîra Botan bi cil û bergên xwe yên netewî tev li mitîngê bûn û demek dirêj li ber stranan govend gerandin. He kêliya ku diçe girseya li qadê zêde dibe. Bi piranî jin û ciwan tev li mitîngê bûne. Hin dayik bi baqên kulîlkan hatin qada mitîngê.&nbsp;

	&nbsp;

	ŞANDE BI COŞEK ZÊDE HAT PÊŞWAZÎKIRIN

	&nbsp;

	Dayika Mehmet Tûnç, Esmer Tûnç, Hevserokê Giştî yê HDP’ê Mîthat Sancar, Serokê Giştî yê Partiya Azadiyê aYETULLAH Aşîtî û namzetên Şirnexê dema hatin qada mitîngê coş û peroşa xelkê zêdetir bû. Girseyê bi çepik û tîlîliyan pêşwazî li şandeyê kir.&nbsp;

	&nbsp;

	Beriya mitîng dest pê bike, di ekrana sînevziyonê de derbarê bikaranîna dengan xalên ku wê baldar bin hat nîşandan.&nbsp;

	&nbsp;

	BANGA ÇÛNA SER SINDOQAN&nbsp;

	&nbsp;

	Mitîngê ji bo bîranîna cangoriyên têkoşîna azadiyê bi deqîqeyek rêzgirtinê dest pê kir. Li ser navê Komîteya Amadekar Metîn Bayik di destpêkê de axivî û destnîşan kir ku hilbijartinên 14’ê Gulanê ne hilbijartinek ji rêzê ye û got: “Gelê kurd wê qedera Tirkiyeyê biguherîne. Em ê di 14’ê Gulanê de dersa wan bidin wan. Divê gelê hemû biçe ser sindoqan.”

	&nbsp;

	WEKÎLAN GEL SILAV KIR

	&nbsp;

	Parlamenterên HDP’ê yên Şirnexê Hasan Ozguneş û Nûran Îmîr derketin ser dikê û axaftinên kurd kirin û gotin her denga were bikaranîn dê ji bo azadiyê be û peyama berfirehkirina têkoşînê dan.&nbsp;

	&nbsp;

	Paşê namzetên Partiya Çepên Kesk ên Şirnexê Newroz Ûysal, Zekî Îrmez, Ayşegul Dogan û Bedîrhan Osal derketin ser dikê û girseyê silav kirin.&nbsp;

	&nbsp;

	'HETA KU OCALAN AZAD BIBE…’&nbsp;

	&nbsp;

	Newroz Ûysal wiha got: “Hewcedariya gelê Cizîrê bi pêşniyaz û şîretan tune ye. Heta ku deriyên Îmraliyê vebin û birêz Abdullah Ocalan azad bibe û bi hezaran girtiyên me bigihîjin azadiya xwe em ê têbikoşin.”&nbsp;

	&nbsp;

	Zekî Îrmez jî got serkeftin a gelê Botanê ye.&nbsp;

	&nbsp;

	DOGAN: DEM DEMA TIFAQA NETEWEYÎ YE&nbsp;

	&nbsp;

	Ayşgegul Dogan jî destnîşan kirk u Cizîr warê serhildan û berxwedanê ye û wiha axivî: “Cizîr di heman demê de warê derwêşan e. Dema Cizîr radibe ser pêya, Botan radibe. Cizîr warê Mem û Zîn û Melayê Cizîrî ye. Cizîr bi biryar e, êdî dema wê hatiye. Dem dema tifaqa me ya neteweyî ye. Dem dema govenda azadiyê ye. Serkeftina me serkeftina Stenbol, Dihok û Ûrmiyeyê ye. Rêya me vekirî be.”

	&nbsp;

	Bedîrhan Osal jî got: “Cizîr cihê berxwedanê ye. Warê Mihemed û Asyayan e. Gelê me yê hêja di her hilbijartinê de Cizîr rekorê dike. Gelo dîsa em ji bo vê rekorê amade ne? Bila dijmin û dostêm me her kes baş dizanibe, wê Cizîr tu demê çong daneyne.”&nbsp;

	&nbsp;

	AŞÎTÎ: HEBÛNA ME QEBÛL NAKIN&nbsp;

	&nbsp;

	Serokê Giştî yê Partiya Azadî Ayatullah Aşîtî jî wiha axivî: “Îro yên îktidarê û welat bi rê ve dibin, hebûna gelê kurd qebûl nakin. Hebûn, kurdbûnê û Kurdistana me qebûl nakin. Yên ku înkarê dikin wê Xwedê wan qet efû neke û nebin nûnerên xwedê. Tenê dikaribin bibin nûnerên zaliman.”&nbsp;

	&nbsp;