
Şerzan Kûrt hat bibîranîn 

2023-05-12 20:08:27


	&nbsp;

	MÛGLA - Li Mûglayê Şerzan Kûrt ku polîsan ew kuştibû, hat bibîranîn.&nbsp;

	&nbsp;

	Hêzên Ked û Demokrasiyê yên Mûglayê, di 13'emîn salvegera mirina xwendekarê Zanîngeha Sitki Koçman a Mûglayê Şerzan Kûrt de ku di 12'ê Gulana 2012'an de li Mûglayê hatibû qetilkirin, li QAda Sinirsizlikê ya Mûglayê daxuyaniyek da. Partiya Çepên Kesk, Partiya Demokratîk a Gelan (HDP), Kongreya Demokratîk a Gelan (HDK), SYKP, Partiya Kedê (EMEP), Partiya Şoreşger, DÎSK û gelek rêxistinên demokratîk tevlî daxuyaniyê bûn.&nbsp;

	&nbsp;

	Di daxuyaniyê de pankartên "Şerzan Kûrt nemir e, me jibîr nekiriye, em ê nedin jibîrkirin" û "Di rêça nemiriyê ya ŞErzan Kûrt de ciwan ber bi şoreşê ve" hatin vekirin. Di daxuyaniyê de dirûşmeyên "Şehîd namirin" û "Ey Şerzan rêya te rêya me ye" hatin bezrkirin.&nbsp;

	&nbsp;

	Beriya daxuyaniyê deqeyek rêz hat girtin ji bo Şerzan Kûrt. Nûrûllah Yildiz, hevalê Şerzan Kûrt daxuyanî da. Yildiz pêvajoya qetilkirina Kûrt bibîr xist û got: "Kujer polîs Gultekîn Şahîn Şerzan Kûrt qetil kir."&nbsp;

	&nbsp;

	Yildiz bal kişand ser pêvajoya darizandinê jî û got ku mixabin di vê dozê de jî polîtîkaya bêcezatiyê ketiye dewrê û dewletê peywirdarê xwe parastiye.&nbsp;

	&nbsp;

	Yildiz di berdewama daxuyaniyê de destnîşan kir ku ew dozê dişopînin û got: "Em li van kuçeyan ku Şerzan lê hat qetilkirin, em dibin dengê Şerzan. Şerzan Kûrt, ji ber ku kurd bû hat qetilkirin."&nbsp;

	&nbsp;

	Di daxuiyaniyê de peyama dê û bavên Şerzan Kûrt Necla û Omer Kûrt jî hat xwendin. Di peyamê de wiha hat diyarkirin ku dê aştî bê xaka Anatolya û Mezopotamyayê û hat gotin ku ev aştî û siberoja azadiyê dê bi têkoşîna bibiryar a we hevrêyên Şerzan Kurt pêk bê.&nbsp;

	&nbsp;

	Daxuyanî bi çalakiya rûniştinê bi dawî bû.&nbsp;