
Ji ÎHD'ê rapora hilbijartinê 

2023-05-14 16:29:19


	&nbsp;

	ENQERE - ÎHD, di rapora xwe ya der barê hilbijartinan de diyar kir ku li gelek bajaran ji bo AKP'ê dengên tomerî tên bikaranîn.&nbsp;

	&nbsp;

	Komeleya Mafên Mirovan (ÎHD) û Platforma Şopandina Hilbiajrtinê ya Serbixwe, têkildarî hilbijartinan "Rapora Navberê ya Çavdêriyê" weşandin. Di raporê de binpêkirinên di warê hilbijartinê de rû didin hatine detsnîşankirin:

	&nbsp;

	SEMSÛR

	&nbsp;

	Li gundê Eskîtaş ê Kolika Semsûrê, birayên Serokê AKP'a Semsûrê tevî cendirmeyan rayan eşkere bi kar anîn.&nbsp;

	&nbsp;

	ENQERE

	&nbsp;

	Li navçeya Çankayayê li Dibistana GUlen Muharrem Pakoglû, di sindoqa bi hejmara 1174'an de çendî li ser navê Partiya Çepên Kesk endamtiya sindoqê ya welatiyekî hebû jî, serokê sindoqê bi hinceta ku navê wî di lîsteyê de tune ye, nehişt ew li ser sindoqê bimîne.&nbsp;

	&nbsp;

	AMED

	&nbsp;

	Li Amedê nêzî 200 kes bêyî ku haya wan jê hebe wekî peywirdarên sindoqê hatine wezîfedarkirin û ji ber vê niakribûne raya xwe bidin.&nbsp;

	&nbsp;

	&nbsp;DÎLOK

	&nbsp;

	Li Dîlokê jî li gorî îdiayan 4 hezar û 74 kes ji aliyê Partiya Vatanê ve bêyî ku haya wan jê hebe hatine wezîfederakirin û ji ber vê nikaribûne dengên xwe bi akr bînin.&nbsp;

	&nbsp;

	GÎRESUN

	&nbsp;

	Li Gîresûnê jî hat îdiakirina ku pusûleyên Tayyîp Erdogan berê hatien mohrkirin.&nbsp;

	&nbsp;

	STENBOL

	&nbsp;

	Li Dibistana ÎMam Hatîpê ya Neslîşah a navçeya Fatîh a Stenbolê jî, AKP'iyan li muşahidên Partiya Karkeran a Tirkiyeyê (TÎP) xistin.&nbsp;

	&nbsp;

	MÊRDÎN

	&nbsp;

	Li gundê Eşme yê girêdayî navçeya Qoser a Mêrdînê xizmên namzetê AKP’ê Farûk Kiliç xwestin dengên xwe bi komî bidin. Muşahidên Partiya Çepên Kesk jî xwestin bi telefonê dîmenên vê rewşê bikişînin. Di vê navberê de komeke ji dehan kesan pêk dihat ku xizmên Kiliç bûn, êrişî muşahidên Partiya Çepên Kesk kirin. Di dema êrişê de Havas Gungor û Kemal Erbey birîndar bûn. Her du welatî jî rakirin Nexweşxaneya Dewletê ya Qoserê.&nbsp;

	&nbsp;

	RIHA

	&nbsp;

	Hat diyarkirin ku li gundê Alacali yê Rihayê mêran li şûna jinan ray bi kar anîn.&nbsp;

	&nbsp;

	Li Sêrewgê jî li gor daxuyaniyên Nûnerê YSK'ê yÊ HDP'ê Tiryakî, li Dibistana Çînhîsarê deng bi awayekî eşkere hatine bikaranîn.&nbsp;

	&nbsp;

	Li Taxa Gundaş a girêdayî navçeya Kaniya Xezalan a Rihayê, komeke ji 40-50 kesan pêkhatî û diwest bi komî dengê xwe bide, ava kelandî bi ser endamê lijneya sindoqê yê CHP’î de rêtin. Li gorî îdiayê; komeke ji 40-50 kesan pêk dihat û ji bo li Mezraya Kardeşker a girêdayî gundê Gundaşê dengê xwe bidin, di saetên serê sibehê de hatin û xwestin ku dengên xwe bi komî bidin. Endamê lijneya sindoqan ê CHP’î jî li dijî vê derket. Li ser vê yekê hem rastî êrişa fîzîkî hem jî ya devkî a komê hat.&nbsp;

	&nbsp;

	ŞIRNEX

	&nbsp;

	Hat ragihandin ku li navçeya Qilebanê ya Şirnexê, endamê ÎHD'ê û çavdêrê hilbijartinê yê serbixwe Fevzî Kara, rastî êrişa sercerdevan Hazim Babat û alîgirên wî hatiye û bi sivîkî birîndar bûye.&nbsp;

	&nbsp;

	&nbsp;