Li Cizîrê welatî bi darê zorê ji baxçeyên dibistanan hatin derxistin 2023-05-14 18:02:30   ŞIRNEX - Di dema hejmartina dengan de welatî li gelek baxçeyên dibistanan kom bûn. Lê polîsan bi darê zorê welatî ji baxçeyan derxistin.    Li navçeya Cizîr a Şirnexê di dema hejmartina dengan de welatî li baxçeyên dibistanan kom bûn. Polîsan bi darê zorê welatî ji baxçeyên dibistanan derxistin. Welatiyên li baxçeyên dibistanên seretayî yên Menderes, Vatan û Fatîhê kom bûn, ji baxçeyan hatin derxistin û li Dibistana Îstîklalê jî di navbera welatiyên ku nexwestin ji baxçeyê dibistanê derkevin û polîsan de rageşî derket. Li ser vê yekê polîsan bombeyên gazê avêtin welatiyan û bi darê zorê derxistin. Rageşiya li derdora dibistanê berdewam dike.