
Rojnamevan ji girtîgehê derketin: Em ê her binivîsin  

2023-05-16 23:59:48


	ENQERE – Rojnamevanên ku ji Girtîgeha Sîncanê derketin, diyar kirin ku dê çapemeniya azad xwe li bêdengiyê daneyne û gotin ku ew ê ji cihê mayî bidomînin.&nbsp;

	&nbsp;

	Midûra Karên Nivîsan a Ajansa MEzopotamyayê (MA) Dîren Yûrtsever jî di nav de doza ewil a danişîna 12 rojnamevan li Dadgeha Cezayê Giran a 4'an a Enqereyê hat lidarxistin. Heyeta dadgehê ji ji bo Hamdûllah Bayram biryara berdewamiya girtinê da û ji bo Dîren Yûrtsever, Berîvan Altan, Ceylan Şahînlî, Denîz Nazlim, Emrûllah Acar, Hakan Yalçin, Selman Guzelyuz, Habîbe Eren û Oznûr Degerê yên girtî biryara berdanê da.

	&nbsp;

	Rojnamevanên ku piştî biryara berdan ji Girtîgeha Sîncanê derketin, li ber girtîgehê ji aliyê gelek kesan ve hatin pêşwazîkirin. Rojnamevanan diyar kirin ku dê çapemeniya azad xwe li bêdengiyê daneyne û gotin ku ew ê ji cihê mayî bidomînin.&nbsp;

	&nbsp;

	Rojnamevan Midûra Karên Nivîsê Dîren Yûrtsever, nûçegihan Berîvan Altan, Ceylan Şahînlî, Denîz Nazlim, Emrûllah Acar, Hakan Yalçin, Selman Guzleyuz û nûçegihanên Jinnewsê Habîbe Eren û Oznûr Deger, Hamdûllah Bayram, MA'yê Zemo Aggoz û Mehmet Gunhanê ku demekê li buroya MA'yê ya Enqereyê stja kiribû hatibûn binçavkirin. Ji rojnamevanên binçavkirî tenê Gunhan hatibû berdan û yên din jî hatibûn girtin. Paşê rojnamevan Aggoz jî piştî demekê hatibû berdan. Rojnamevan bi "endamtiya rêxistinê" dihatin tawanbarkirin.&nbsp;

	&nbsp;