
Polîsan êrişî ciwanên kurd ên govendê gerandin kir 

2023-05-21 21:31:37


	STENBOL - Li Kadikoyê polîsan êriş bir ser ciwanên govenda kurdî digirt, gule bera hewayê da û 4 ciwan bi lêdanê kirin binçavan.

	&nbsp;

	Li Perava Moda ya navçeya Kadikoya Stenbolê, polîsan êriş bir ser ciwanên li ber stranên kurdî govend digerandin. Polîsan êriş bir ser ciwanan, dest da ser hoparlora wan a muzîkê. Ciwanan ku bertek nîşanî polîsan dan. Polîsan gaza îsotê li ciwanan reşand. Di navbera polîs û ciwanan de rageşî çêbû. Polîsek çek ji ber xwe derxist û gule bera hewayê da. Piştî ku polîs gule berda hewayê ciwanan xwe ji cihê bûyerê dûr kir, lê polîsan da pey wan û herî kêm 4 ciwan kirin binçavan.&nbsp;

	&nbsp;

	Polîsan di wesayîtê de li ciwanan da. Kesên li derdorê, bertek nîşanî polîsan dan.&nbsp;

	&nbsp;

	Nehat zanîn ku navên ciwanên binçavkirî çi ne û birine kîjan qereqolê.&nbsp;

	&nbsp;