
Serokê Şaxa Genel Îş a Mêrdînê û malbata wî hatin binçavkirin  

2023-05-24 14:33:01


	&nbsp;

	MÊRDÎN - Serokê Şaxa DÎSK/Genel Îş a Mêrdînê Rahmî Guneş û malbata wî hatin binçavkirin.&nbsp;

	&nbsp;

	Bi ser mala Serokê Şaxa Genel Îş a Konfederasyona Sendîkayên Karkerên Şoreşger (DÎSK) ê Mêrdînê Rahmî Guneş û malbata wî de hate girtin. Di serdegirtinê de Rahmî Guneş, hevjîna wî Şukran Guneş, birayê wî Alî Guneş, zarokên Alî Guneş ên bi navên Dilbirîn û Îsmaîl Guneş hatin binçavkirin. Hat zanîn ku Guneş û malbata wî bi îdiaya “alîkarîdayîna rêxistinê” hatine tawanbarkirin.&nbsp;

	&nbsp;

	Kesên hatin binçavkirin birin Qereqola Cendirmeyan a Pinardereyê.&nbsp;

	&nbsp;

	OGUZ HATE BERDAN

	&nbsp;

	Welatiya bi navê Merve Oguz jî îro di danê sibehê de li navçeya Kerboranê hatibû binçavkirin û piştî karûbarên îfadegirtinê hate berdan.&nbsp;

	&nbsp;

	DÊ CIWANAN BIBIN AMEDÊ

	&nbsp;

	Ciwanên bi navên Ramazan, Agît û Heja (xwişk û bira ne), Hêvîdar û Bêrîvan Taş (Xwişk in), Firat Akar û Rojhat Aktaş di çarçoveya lêpirsîna Serdozgeriya Komarê ya Amedê de li navçeya Artukluyê hatibûn binçavkirin û hat zanîn ku dê bibin Amedê.&nbsp;

	&nbsp;