
ÎHD: Dawî li qedexeya li Qada Galatasarayê bînin  

2023-06-10 15:51:59


	&nbsp;

	STENBOL - Komîsyona Li Dijî Windayan a ÎHD’a Stenbolê diyar kir ku qedexekirina Qada Galasarayê sûcê li dijî Destûra Bingehîn e û xwest qedexe û sepana binçavkirina li Qada Galatasarayê were bidawîkirin.&nbsp;

	&nbsp;

	Dayikên Şemiyê û parêzvanên mafên mirovan di hefteya 950’emîn de jî li Qada Galatasarayê hatin binçavkirin. Komîsyona Li Dijî Windayên di Binçavan de ya Komeleya Mafên Mirovan (ÎHD) a Şaxa Stenbolê li avahiya xwe civîna çapemeniyê li dar xist û nerazîbûn nîşanî binçavkirina dayikan û parêzvanên mafên mirovan da.&nbsp;

	&nbsp;

	Di civînê de pankarta bi nivîsa “Qada Galatasarayê ya me ye, bila binçavkirî bên berdan” hat daliqandin. Gele kes tev li civînê bûn. Endama Komîsyonê Zeynep Yildiz daxuyanî da.&nbsp;

	&nbsp;

	DESTÛRA BINGEHÎN Û HIQÛQÊ BI BÎR XIST&nbsp;

	&nbsp;

	Yildiz biryara ku Dadgeha Destûra Bingehîn (AYM) derbarê çalakiya Dayikên Şemiyê de daye bi bîr xist û wiha got: “Binçavkirina Dayikên Şemiyê û parêzvanên mafên mirovan nehiqûqî ye û polîs sûc dikin. Em bang li rayedaran jî dikin; nenasîna biryara AYM’ê tê maneya binpêkirina Destûra Bingehîn û sûckirinê. Sepanên ku Destûra Bingehîn binpê dike û sûc dike bi dawî bikin. Dawî li qedexeya Qada Galatasarayê ku li dijî Destûra Bingehîn e bi dawî bikin.”&nbsp;

	&nbsp;

	'EM Ê DEST JI TÊKOŞÎNA XWE BERNEDIN’&nbsp;

	&nbsp;

	Paşê ji xizmên windayan Ayten Morsumbul jî axivî û got: “Hûn nikarin bi astengkirina çalakiya me têkoşîna me têk bibin. Em ê dest ji çalakiya xwe ya 28 salan bernedin. Qada Galatasarayê ya me ye.”&nbsp;

	&nbsp;

	&nbsp;

	&nbsp;