
Di pêvajoya ‘bêçalaktiyê’ de 4 hezar û 848 caran bombebaran hatiye kirin  

2023-06-14 11:42:28


	&nbsp;

	NAVENDA NÛÇEYAN - HPG’ê ragihand ku di pêvajoya “bêçalaktiyê” ya KCK’ê ku biryara wê girtibû de ji bejahiyê û hewayî ve 4 hezar û 848 caran bombebaran hatiye kirin.&nbsp;

	&nbsp;

	Hevserokatiya Konseya Rêveber a KCK'ê ji ber erdhejên di 6’ê Sibatê de li Mereşê çêbûn û tesîr li ser 10 bajaran kir biryara “bêçalaktiyê” girtibû. KCK biryara “bêçalaktiyê” ji ber hilbijartinên 14’ê Gulanê dirêj kir. KCK’ê duh daxuyaniyek nû derbarê “bêçalaktiyê” de belav kiribû û ragihandibû ku êrişên li ser herêmên başûrê Kurdistanê zêde bûne û ji ber êrişên berdewam dikin biryara “bêçalaktiyê” bi dawî kiribû.&nbsp;

	&nbsp;

	Li gorî daxuyaniya HPG’ê k udi Ajansaa Nûçeyan a Firatê (ANF) de cih digire; hat diyarkirin ku di navbera 9’ê sibatê û 13’ê hezîranê de di êrişên hatine kirin de 32 endamên HPG’ê û YJA-Starê jiyana xwe ji dest dane.&nbsp;

	&nbsp;

	Di daxuyaniyê de hat destnîşankirin ku li dever ango li qadên başûrê Kurdistanê ji bejahî û hewayî ve 4 hezar û 848 caran bombebaran hatiye kirin, 224 caran topên di nava wan de fosfor heye, bombeyên qedexekirî û çekên kîmyewî hatine bikaranîn. Her wiha di daxuyaniyê de hat diyarkirin ku di şerê qewimiye de jî 84 leşker û cerdevan hatine kuştin.&nbsp;

	&nbsp;